കോഴിക്കോട്: മാത്തറ പികെ കോളേജിൽ വിദ്യാർഥികൾ തമ്മിൽ സംഘർഷം. സംഭവത്തിൽ അഞ്ച് വിദ്യാർഥികൾക്ക് പരിക്കേറ്റിട്ടുണ്ട്. റാഗിങ്ങിനെ ചൊല്ലി വിദ്യാർഥികൾ തമ്മിലുണ്ടായ വാക്കേറ്റമാണ് സംഘർഷത്തിൽ കലാശിച്ചത്. പരിക്കേറ്റ വിദ്യാർഥികളെ കോഴിക്കോട് ബീച്ച് ആശുപത്രിയിൽ പ്രവേശിപ്പിച്ചു.
ഒന്നാം വർഷ വിദ്യാർഥിയെ റാഗ് ചെയ്‌തെന്ന് ആരോപിച്ച് പുറത്ത് നിന്ന് ആയുധങ്ങളുമായി എത്തിയ ആർഎസ്എസ് പ്രവർത്തകർ അക്രമിക്കുകയായിരുന്നെന്ന് പരിക്കേറ്റവർ പറഞ്ഞു. നഞ്ചക്ക് അടക്കമുള്ള ആയുധങ്ങളുമായാണ് പ്രവർത്തകർ എത്തിയത്.
അതേസമയം, വിദ്യാർഥികൾ തമ്മിലുണ്ടായ വാക്കേറ്റം പുറത്ത് നിന്ന് ആളുകൾ എത്തിയതോടെയാണ് സംഘർഷത്തിൽ കലാശിച്ചതെന്ന് കോളേജ് അധികൃതരും പോലീസിനോട് പറഞ്ഞു. പരിക്കേറ്റ വിദ്യാർഥികളുടെ പരാതിയിൽ പോലീസ് കേസെടുത്ത് അന്വേഷണം ആരംഭിച്ചു.
Most Read: വിദ്യാർഥിയെ തലകീഴായി തൂക്കിയിട്ടു; പ്രിൻസിപ്പൽ അറസ്‌റ്റിൽ
