ബെംഗളുരു: മലയാള ചിത്രം ‘ജന ഗണ മന’യുടെ ഷൂട്ടിംഗിനെതിരെ പ്രതിഷേധിച്ച് മൈസൂരു മഹാരാജാ കോളേജിലെ വിദ്യാർഥികളും അധ്യാപകരും. പ്രവര്ത്തി ദിവസത്തില് കോളേജ് ക്യാംപസില് വെച്ച് സിനിമയുടെ ഷൂട്ടിംഗ് നടത്തിയതിനെ എതിര്ത്താന് ഇവർ രംഗത്ത് വന്നത്. കഴിഞ്ഞ ഞായറാഴ്ച മുതലാണ് സിനിമയുടെ ചിത്രീകരണം കോളേജില് ആരംഭിച്ചത്. എന്നാല്, പ്രവര്ത്തി ദിവസമായ തിങ്കളാഴ്ചയും ചൊവ്വാഴ്ചയും ചിത്രീകരണം നടത്തിയതിനെ തുടർന്നാണ് പ്രതിഷേധം ഉണ്ടായത്.
മൈസൂരു സര്വകലാശാലക്ക് കീഴിലാണ് മഹാരാജാ കോളേജ്. വരുമാനം ലഭിക്കും എന്നതിനാൽ കോളേജില് വെച്ച് സിനിമാ ചിത്രീകരണങ്ങള്ക്ക് യൂണിവേഴ്സിറ്റി അനുമതി നല്കാറുണ്ട്. എന്നാല് അധ്യയന ദിവസങ്ങളില് ചിത്രീകരണം നടത്താന് അനുമതി നല്കിയ സര്വകലാശാലയുടെ നടപടി ശരിയല്ലെന്നാണ് അധ്യാപകരുടെയും വിദ്യാര്ഥികളുടെയും നിലപാട്.
അവധി ദിവസങ്ങളിലും ഞായറാഴ്ചകളിലും ചിത്രീകരണം നടത്തുന്നതില് തങ്ങള്ക്ക് യാതൊരു വിധത്തിലുള്ള എതിര്പ്പും ഇല്ലെന്നും വിദ്യാര്ത്ഥികള് പറയുന്നു. എന്നാല്, കോളേജിന്റെ അധികാര പരിധിയില് വരുന്ന കാര്യമല്ലെന്നും അതിനാൽ തന്നെ വിഷയത്തിൽ പ്രതികരിക്കാൻ തയ്യാറല്ലെന്നുമാണ് പ്രിന്സിപ്പാളിന്റെ നിലപാട്.
Read also: ദേവേന്ദ്ര ഫഡ്നാവിസിന് ദാവൂദ് ഇബ്രാഹിമിന്റെ കൂട്ടാളിയുമായി ബന്ധം; മഹാരാഷ്ട്ര മന്ത്രി