തിരുവനന്തപുരം: സംസ്‌ഥാനത്തെ സ്‌കൂളുകളില്‍ 1 മുതല്‍ 9 വരെയുള്ള ക്ളാസുകള്‍ ഇന്ന് മുതല്‍ പുനഃരാരംഭിക്കും. രാവിലെ മുതല്‍ ഉച്ചവരെ ബാച്ചടിസ്‌ഥാനത്തിലാകും ക്ളാസുകൾ. നടക്കുക. 10, 11, 12 ക്ളാസുകള്‍ നിലവിലെ രീതിയില്‍ തന്നെ തുടരും.
ഈ മാസം 21 മുതല്‍ ക്ളാസുകള്‍ പൂര്‍ണ തോതില്‍ ആരംഭിക്കുമെന്നും മുഴുവന്‍ കുട്ടികളും സ്‌കൂളിലെത്തണമെന്നും അധികൃതർ അറിയിച്ചിട്ടുണ്ട്. 21 മുതല്‍ രാവിലെ മുതല്‍ വൈകിട്ട് വരെ ക്ളാസുകള്‍ ഉണ്ടായിരിക്കും. അതേസമയം പ്രീ പ്രൈമറി ക്ളാസുകള്‍ ഉച്ചവരെ മാത്രമായിരിക്കും.
ഫെബ്രുവരി, മാര്‍ച്ച് മാസങ്ങളിലെ പൊതു അവധി ദിനങ്ങള്‍ ഒഴികെയുള്ള എല്ലാ ശനിയാഴ്‌ചയും സ്‌കൂളുകള്‍ പൂര്‍ണമായും പ്രവര്‍ത്തി ദിനമായിരിക്കും. കോവിഡ് മൂന്നാം തരംഗത്തെ തുടർന്ന് അടച്ചിട്ട സ്‌കൂളുകളുടെ പ്രവർത്തനമാണ് പൂർണ സജ്‌ജമാകുന്നത്.
എല്ലാ അങ്കണവാടികള്‍, ക്രഷുകള്‍, കിന്റര്‍ഗാര്‍ട്ടനുകള്‍ എന്നിവയും ഇന്ന് തുറക്കുന്നുണ്ട്. ഉച്ചവരെയായിരിക്കും ഇവര്‍ക്ക് ക്ളാസുകള്‍. തിങ്കള്‍ മുതല്‍ വെള്ളിവരെ ആയിരിക്കും ഇവ പ്രവര്‍ത്തിക്കുക.
Most Read: ഹിജാബ് വിവാദം; ഹരജികൾ ഇന്ന് കർണാടക ഹൈക്കോടതി പരിഗണിക്കും
