തൃശൂർ: ചെറുതുരുത്തിയിൽ യുവതി ആത്‍മഹത്യ ചെയ്‌തത്‌ സ്‌ത്രീധന പീഡനത്തെ തുടർന്നെന്ന് ആരോപണം. ചെറുതുരുത്തി സ്വദേശി കൃഷ്‌ണപ്രഭ (24)യാണ് ഭർതൃവീട്ടിൽ ആത്‍മഹത്യ ചെയ്‌തത്‌. യുവതിയുടെ മരണം സ്‌ത്രീധന പീഡ‍നം കാരണമെന്ന് ആരോപിച്ച് ബന്ധുക്കൾ പോലീസിൽ പരാതി നൽകി.
ഭർത്താവിനും വീട്ടുകാർക്കും എതിരെ ചെറുതുരുത്തി പോലീസിലാണ് ബന്ധുക്കൾ പരാതി നൽകിയത്. സ്‌ത്രീധനം കൊണ്ടുവരാത്തതിൽ നിരന്തരം പീഡിപ്പിച്ചിരുന്നതായി ബന്ധുക്കൾ പരാതിയിൽ പറയുന്നു.
ശനിയാഴ്‌ചയാണ് കൃഷ്‌ണപ്രഭയെ ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തിയത്. 2019ലാണ് കൃഷണപ്രഭ വറവട്ടൂർ മണ്ണേങ്കോട്ട് വളപ്പിൽ ശിവരാജനെ കല്യാണം കഴിക്കുന്നത്. സഹപാഠികളായിരുന്ന ഇവരുടേതു പ്രണയ വിവാഹമായിരുന്നു.
Most Read: പരാതി പിൻവലിക്കണം; ‘ഹരിത’ നേതാക്കൾക്ക് അന്ത്യശാസനം നൽകി മുസ്‌ലിം ലീഗ്
