ന്യൂഡെൽഹി: ഇന്ത്യൻ ടെന്നീസ് താരം സുമിത് നാഗലിന് ഒളിമ്പിക്‌സ് യോഗ്യത. റാഫേൽ നദാൽ, റോജർ ഫെഡറർ തുടങ്ങിയ പ്രമുഖ താരങ്ങളെല്ലാം വിട്ടു നിന്നതോടെയാണ് സുമിതിന് ഒളിമ്പിക്‌സിൽ പങ്കെടുക്കാൻ അവസരം ലഭിച്ചത്. അവസാന നിമിഷമാണ് താരം യോഗ്യത സ്വന്തമാക്കിയത്. 23 വയസുകാരനായ സുമിത് ലോക റാങ്കിങ്ങിൽ 144ആം സ്‌ഥാനത്താണ്.
എന്നാൽ മറ്റൊരു ഇന്ത്യൻ താരമായ രോഹൻ ബൊപ്പണ്ണയ്‌ക്ക്‌ ഒളിമ്പിക് യോഗ്യത നേടാൻ സാധിച്ചില്ല. പുരുഷ ഡബിൾസിൽ സുമിതിനൊപ്പം സഖ്യം ചേർന്ന ബൊപ്പണ്ണ അവസാന നിമിഷമാണ് ടൂർണമെന്റിൽ നിന്നും പുറത്തായത്. 2016 റിയോ ഒളിമ്പിക്‌സിൽ ബൊപ്പണ്ണ സാനിയ മിർസക്കൊപ്പം മൽസരിച്ചിരുന്നു. എന്നാൽ മെഡൽ നേടാൻ കഴിഞ്ഞില്ല. മറ്റൊരു ഇന്ത്യൻ താരമായ പ്രജ്നേഷ് ഗുണേശ്വരനും ഒളിമ്പിക് യോഗ്യത ലഭിച്ചില്ല.
Read Also: ‘കനകം കാമിനി കലഹം’; കാത്തിരുന്ന ടീസറെത്തി
