തിരുവനന്തപുരം: കേരളത്തിലെ കൊടും ചൂടിന് ആശ്വാസമായി വേനൽമഴ എത്തുന്നു. ഇന്ന് കേരളത്തിലെ വിവിധ ജില്ലകളിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. ഇന്ന് പത്ത് ജില്ലകളിലാണ് മഴ സാധ്യത പ്രവചിച്ചിട്ടുള്ളത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, കോഴിക്കോട്, വയനാട്, കണ്ണൂർ ജില്ലകളിൽ നേരിയ മഴക്കാണ് സാധ്യത. നാളെ എറണാകുളം, തൃശൂർ, മലപ്പുറം, കോഴിക്കോട് ജില്ലകളിലും മഴക്ക് സാധ്യതയുണ്ട്.
അതേസമയം, മിക്ക ജില്ലകളിലും ചൂടും കൂടുകയാണ്. ഇന്നലെ കോട്ടയത്ത് 40 ഡിഗ്രിവരെ താപനില ഉയർന്നു. എല്ലാ ജില്ലകളിലും സാധാരണ നിലയെക്കാൾ രണ്ടുമുതൽ നാലുവരെ ഡിഗ്രി താപനില കൂടുതലാണ് അനുഭവപ്പെടുന്നത്. ഇതേത്തുടർന്ന്, വെയിലത്ത് നേരിട്ടിറങ്ങി ജോലി ചെയ്യുന്നവർ സൂര്യാഘാതം ഏൽക്കാനുള്ള സാധ്യതകൾ ഒഴിവാക്കാൻ മുൻകരുതൽ സ്വീകരിക്കണമെന്നും മുന്നറിയിപ്പ് നൽകി.
Most Read| സുപ്രീം കോടതി താക്കീത്; തിരഞ്ഞെടുപ്പ് ബോണ്ടിലെ എല്ലാ വിവരങ്ങളും കൈമാറി എസ്ബിഐ