ന്യൂഡെൽഹി: ഹൈക്കോടതി ജഡ്ജിയായി തന്നെ പരിഗണിക്കണമെന്ന ആവശ്യവുമായി ജില്ലാ ജഡ്ജി സമർപ്പിച്ച ഹരജി സുപ്രീം കോടതി തള്ളി. ഇടുക്കി ജില്ലാ ജഡ്ജി മുഹമ്മദ് വസീം ആണ് ഹൈക്കോടതി ജഡ്ജി സ്ഥാനത്തേക്ക് തന്റെ പേര് പരിഗണിക്കാൻ കേന്ദ്ര സർക്കാരിന് നിർദ്ദേശം നൽകണമെന്ന ആവശ്യവുമായി സുപ്രീം കോടതിയെ സമീപിച്ചത്.
ജസ്റ്റിസ് എൽ നാഗേശ്വര റാവു അധ്യക്ഷനായ ബെഞ്ചാണ് ഹരജി പരിഗണിച്ചത്. ഈ കേസിൽ ഇടപെടാൻ ഉദ്ദേശിക്കുന്നില്ലെന്നാണ് ബെഞ്ച് വ്യക്തമാക്കിയത്. അതേസമയം ഹരജിക്കാരന് ഇതേ ആവശ്യം കേരള ഹൈക്കോടതി ചീഫ് ജസ്റ്റിസിന് മുന്നിൽ ഉന്നയിക്കാമെന്നും സുപ്രീം കോടതി വ്യക്തമാക്കി. സുപ്രീം കോടതി ഉത്തരവിന് പിന്നാലെ ജഡ്ജി മുഹമ്മദ് വസീം ഹരജി പിൻവലിക്കുകയും ചെയ്തു.
Read also: ഹണിട്രാപ്; മധ്യവയസ്കനെ ഭീഷണിപ്പെടുത്തി പണം തട്ടാൻ ശ്രമം