കാസർഗോഡ്: മഞ്ചേശ്വരത്തെ ബിഎസ്‍പി സ്‌ഥാനാർഥി കെ സുന്ദര ബിജെപിയിൽ ചേർന്നു. ബിജെപി സംസ്‌ഥാന അധ്യക്ഷൻ കെ സുരേന്ദ്രൻ ആവശ്യപ്പെട്ടതിനാൽ നാമനിർദ്ദേശ പത്രിക പിൻവലിക്കുകയാണെന്ന് സുന്ദര മാദ്ധ്യമങ്ങളോട് പറഞ്ഞു.
തനിക്ക് ഭീഷണിയോ പ്രലോഭനങ്ങളോ ഉണ്ടായിട്ടില്ല. ബിജെപിയിൽ ചേർന്ന താൻ ഇനി സുരേന്ദ്രന്റെ വിജയത്തിനായി പ്രവർത്തിക്കുമെന്നും സുന്ദര പറഞ്ഞു. 2016ൽ സ്വതന്ത്ര സ്‌ഥാനാർഥിയായി മൽസരിച്ച് സുന്ദര 467 വോട്ടുകൾ നേടിയിരുന്നു. ഇതേ തിരഞ്ഞെടുപ്പിൽ വെറും 89 വോട്ടുകൾക്കാണ് കെ സുരേന്ദ്രൻ പരാജയം ഏറ്റുവാങ്ങിയത്. ഇന്ന് നേരിട്ട് പോയി പത്രിക പിൻവലിക്കുമെന്നാണ് സുന്ദര അറിയിച്ചിരിക്കുന്നത്.
Also Read: കെകെ ശൈലജക്കെതിരെ തിരഞ്ഞെടുപ്പ് കമ്മീഷന് പരാതി നൽകി യുഡിഎഫ്
