തിരുവനന്തപുരം: കഴക്കൂട്ടത്തെ എൻഡിഎ സ്ഥാനാർഥി ശോഭാ സുരേന്ദ്രന് വേണ്ടി വോട്ട് തേടി ബിജെപി സംസ്ഥാന അധ്യക്ഷൻ കെ സുരേന്ദ്രൻ. സുരേന്ദനും ശോഭയും തമ്മിലുള്ള അഭിപ്രായ ഭിന്നതകൾ മറ നീക്കി പുറത്ത് വരുന്ന സാഹചര്യം ആയിരുന്നു സ്ഥാനാർഥി നിർണയത്തിലടക്കം ഉണ്ടായിരുന്നത്. ഇതിനിടെയാണ് ശോഭക്ക് വേണ്ടി സുരേന്ദ്രൻ പ്രചാരണത്തിന് ഇറങ്ങിയിരിക്കുന്നത്.
ശോഭാ സുരേന്ദ്രന്റെ വരവോടെ മണ്ഡലത്തിലെ എൻഡിഎ ക്യാംപിൽ വലിയ ഉണർവ് ഉണ്ടായെന്നും കൂടുതൽ ജനവിഭാഗങ്ങളിലേക്ക് ഇറങ്ങിച്ചെല്ലാൻ ശോഭക്ക് കഴിഞ്ഞിട്ടുണ്ടെന്നും സുരേന്ദ്രൻ അഭിപ്രായപ്പെട്ടു. കഴക്കൂട്ടത്ത് പാർട്ടി ഒറ്റക്കെട്ടാണ്, യാതൊരു ഭിന്നതയുമില്ല. ശോഭാ സുരേന്ദ്രന് വിജയം ഉറപ്പാണെന്നും സുരേന്ദ്രൻ പറഞ്ഞു,
ശോഭാ സുരേന്ദ്രനൊപ്പം മണ്ഡലത്തിലൂടെ റോഡ് ഷോയിലും കെ സുരേന്ദ്രൻ പങ്കെടുത്തു. ഈ തിരഞ്ഞെടുപ്പിൽ രണ്ട് സീറ്റുകളിലാണ് സുരേന്ദ്രൻ മൽസരിക്കുന്നത്. മഞ്ചേശ്വരത്തും കോന്നിയിലും നടക്കുന്ന തിരക്കിട്ട പ്രചാരണ പരിപാടികൾക്കിടയിലാണ് സുരേന്ദ്രൻ കഴക്കൂട്ടത്ത് എത്തി റോഡ് ഷോയിൽ പങ്കെടുത്തത്.
Also Read: ഇരട്ടവോട്ട്; തിരഞ്ഞെടുപ്പ് കമ്മീഷന്റെ നിർദേശം അംഗീകരിച്ച് ഹൈക്കോടതി വിധി