സൂര്യയെ നായകനാക്കി സുധ കൊങ്കര സംവിധാനം ചെയ്ത തമിഴ് ചിത്രം ‘സൂരറൈ പോട്ര്‘ ഓസ്കറിൽ പ്രാഥമിക ഘട്ടം കടന്നെന്ന സന്തോഷവാർത്ത പുറത്തുവിട്ട് അണിയറ പ്രവർത്തകർ. ചിത്രം ഓസ്കർ പുരസ്കാരത്തിന് മൽസരിക്കുന്ന വിവരം നിർമാതാക്കൾ ജനുവരിയിൽ അറിയിച്ചിരുന്നു. 93ആമത് ഓസ്കർ മൽസരത്തിനായി തിരഞ്ഞെടുത്തിരിക്കുന്ന 366 ചിത്രങ്ങളിൽ ഒന്നായിരിക്കുകയാണ് ‘സൂരറൈ പോട്ര്‘.
#Suriya‘s #SooraraiPottru made to the list of feature films that are eligible for nominations for this year’s #Oscars#SooraraiPottruJoinsOSCARS @Suriya_offl #SudhaKongara @gvprakash @nikethbommi @Aparnabala2 @rajsekarpandian pic.twitter.com/vCQyE1LVdR
— BARaju (@baraju_SuperHit) February 26, 2021
മാർച്ച് 5 മുതൽ 10 വരെ നടക്കുന്ന വോട്ടിങ്ങിന് ശേഷം മാർച്ച് 15ന് ഈ വർഷത്തെ ഓസ്കർ നോമിനേഷനുകൾ പ്രഖ്യാപിക്കും. കഴിഞ്ഞ തവണ 344 ചിത്രങ്ങളായിരുന്നു ഓസ്കറിലേക്ക് മൽസരിക്കാൻ യോഗ്യത നേടിയത്.
അപർണ ബാലമുരളിയാണ് ചിത്രത്തിൽ സൂര്യയുടെ നായികയായി എത്തിയത്. അപർണയുടെ ‘ബൊമ്മി’ എന്ന കഥാപാത്രം ഏറെ നിരൂപക പ്രശംസ നേടിയിരുന്നു. ഉർവശിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിച്ചിരുന്നു.
Read also: കളക്ഷൻ കുറവ്; നാളെ റിലീസ് ചെയ്യാനിരുന്ന എല്ലാ സിനിമകളും മാറ്റിവെച്ചു