ന്യൂഡെൽഹി: എംപിമാരുടെ ചട്ട വിരുദ്ധമായ സസ്പെൻഷനിൽ രാജ്യസഭ ഇന്നും പ്രക്ഷുബ്ധമാകും. കേന്ദ്ര സർക്കാർ നടപടിക്ക് എതിരെ കഴിഞ്ഞ ദിവസം രാജ്യസഭയിലെയും ലോക്സഭയിലെയും പ്രതിപക്ഷ എംപിമാർ സംയുക്തമായി പ്രതിഷേധ മാർച്ച് നടത്തിയിരുന്നു. എന്നാൽ സസ്പെൻഡ് ചെയ്യപ്പെട്ട എംപിമാർ മാപ്പ് പറയാതെ നടപടി പിൻവലിക്കാൻ കഴിയില്ലെന്ന നിലപാടിൽ കേന്ദ്ര സർക്കാർ ഉറച്ചു നിൽക്കുകയാണ്.
പ്രതികാര നടപടിയുടെ ഭാഗമായുള്ള സസ്പെൻഷനിൽ മാപ്പ് പറയില്ലെന്ന ഉറച്ച നിലപാടിൽ തന്നെയാണ് പ്രതിപക്ഷ എംപിമാരും ഉള്ളത്. ഇരു കൂട്ടരും വിട്ടുവീഴ്ചക്ക് തയ്യാറാവാത്ത സാഹചര്യത്തിൽ പ്രശ്ന പരിഹാരം നീളുകയാണ്. അതേസമയം, ലോക്സഭയിൽ ഇന്ന് വിലക്കയറ്റവുമായി ബന്ധപ്പെട്ട വിഷയത്തിൽ ചർച്ച അനുവദിച്ചിട്ടുണ്ട്. ഇതിൽ പ്രതിപക്ഷം പങ്കെടുക്കും.
Read Also: പുൽവാമയിൽ സൈന്യം ഭീകരനെ വധിച്ചു; 4 ഭീകരർ കൂടി ഒളിച്ചിരിക്കുന്നതായി സൂചന