കണ്ണൂര്: പ്രമുഖ സാഹിത്യകാരൻ ടി പത്മനാഭൻ കോവിഡ് രോഗമുക്തനായി ആശുപത്രി വിട്ടു. ന്യൂമോണിയ ബാധിച്ചതോടെ ജൂൺ 23നാണ് ഇദ്ദേഹത്തെ കണ്ണൂർ ഗവ. മെഡിക്കൽ കോളേജ് ആശുപത്രിയിലേക്ക് മാറ്റിയത്. പ്രമേഹവും രക്തസമ്മർദവും ഉണ്ടായിരുന്ന ടി പത്മനാഭൻ 11 ദിവസത്തെ ചികിൽസയ്ക്ക് ശേഷമാണ് കോവിഡിനെ തോൽപ്പിച്ച് വീട്ടിലേക്ക് മടങ്ങിയത്.
കോവിഡിനെ പോരാടി തോൽപ്പിക്കാൻ കരുത്തുപകർന്ന ആരോഗ്യപ്രവർത്തകർക്ക് ‘കഥകളുടെ കുലപതി’ നന്ദി അറിയിച്ചു. ഇദ്ദേഹത്തിന്റെ സന്തതസഹചാരി രാമചന്ദ്രനും കോവിഡ് ഭേദമായി.
മലയാളത്തിന്റെ പ്രിയ കഥാകാരന്റെ സുഖവിവരം തിരക്കി മുഖ്യമന്ത്രിയും ആരോഗ്യ മന്ത്രിയും ഉൾപ്പടെയുള്ളവർ ചികിൽസയുടെ വിവിധ ഘട്ടങ്ങളിൽ ആശുപത്രി അധികൃതരുമായി ബന്ധപ്പെട്ടിരുന്നു. അതേസമയം രോഗം മാറിയെങ്കിലും ഇദ്ദേഹത്തിന് ഡോക്ടർമാർ രണ്ടാഴ്ചത്തെ വിശ്രമം നിർദ്ദേശിച്ചിട്ടുണ്ട്.
Malabar News: കണ്ണൂരിൽ ഇതുവരെ വാക്സിൻ സ്വീകരിച്ചത് 10,67,543 പേർ