ന്യൂഡെൽഹി: തമിഴ്നാട്ടിലെ മുതിർന്ന ബിജെപി നേതാവും ആർഎസ്എസ് പ്രചാരകനുമായ ല ഗണേശനെ മണിപ്പൂർ ഗവർണറായി നിയമിച്ചു. ഞായറാഴ്ചയാണ് ഗണേശന് ചുമതല നൽകിക്കൊണ്ടുള്ള ഉത്തരവ് രാഷ്ട്രപതി ഭവനിൽ നിന്നും പുറത്തിറക്കിയത്. നജ്മ ഹെപ്തുള്ള രാജിവെച്ച ഒഴിവിലേക്കാണ് ഗണേശനെ പരിഗണിച്ചത്.
”തന്റെ സേവനങ്ങൾ വിലമതിച്ചതിൽ സന്തോഷമുണ്ട്. ഇന്ത്യയിൽ എവിടെ ജോലി ചെയ്യാനും ഞാൻ തയ്യാറാണ്. എന്റെ അനുഭവത്തിൽ എല്ലായിടത്തുമുള്ള ഇന്ത്യയും ഒന്നാണ്”- ഗണേശൻ പ്രതികരിച്ചു. രാജ്യസഭാംഗമായും പ്രവർത്തിച്ചിട്ടുള്ള ഗണേശൻ തഞ്ചാവൂർ സ്വദേശിയാണ്.
Read also: മുൻ ഇന്ത്യൻ ഫുട്ബോൾ താരം സയ്യിദ് ഷാഹിദ് ഹക്കീം അന്തരിച്ചു