സ്വിറ്റ്സർലൻഡ്: ചാമ്പ്യൻസ് ലീഗ് പ്രീ ക്വാർട്ടർ പോരാട്ടങ്ങളുടെ നറുക്കെടുപ്പ് വീണ്ടും നടത്തുമെന്ന് അറിയിച്ച് യുവേഫ. നേരത്തെ നടത്തിയ നറുക്കെടുപ്പിൽ സാങ്കേതിക പിഴവുണ്ടായെന്ന് കണ്ടെത്തിയതിനെ തുടർന്നാണ് നടപടി. ഈ നറുക്കെടുപ്പ് അസാധുവായതായി യുവേഫ അറിയിച്ചു. മാഞ്ചസ്റ്റർ യുണൈറ്റഡ്-പിഎസ്ജി സ്വപ്ന പോരാട്ടം പ്രതീക്ഷിച്ച ആരാധകർക്ക് പുതിയ തീരുമാനം ഓർക്കാപ്പുറത്ത് ലഭിച്ച തിരിച്ചടിയായി.
നറുക്കെടുപ്പിനിടെ ഇംഗ്ളീഷ് ക്ളബ് മാഞ്ചസ്റ്റർ യുണൈറ്റഡിന്റെ പേരെഴുതിയ ബോൾ തെറ്റായ പാത്രത്തിൽ വെച്ചതാണ് പിഴവിന് കാരണമായത്. നറുക്കെടുപ്പ് ഇന്നുതന്നെ വീണ്ടും നടത്തും. മാഞ്ചസ്റ്റർ യുണൈറ്റഡിന് പിഎസ്ജിയെ എതിരാളിയായി ലഭിച്ചതും, അത്ലറ്റിക്കോ മാഡ്രിഡിന് ബയേൺ മ്യൂണിക്ക് എതിരാളിയായതും ഈ പിഴവ് കൊണ്ടാണെന്ന് യുവേഫ ചൂണ്ടിക്കാണിച്ചു.
Read Also: സ്ത്രീവിരുദ്ധ പരാമര്ശം; സിബിഎസ്ഇ മാപ്പ് പറയണമെന്ന് സോണിയ ഗാന്ധി