ശ്രീനഗര്: ജമ്മു കാശ്മീരിലെ പുല്വാമയില് തീവ്രവാദി ആക്രമണത്തില് സിആര്പിഎഫ് ജവാന് പരിക്കേറ്റു. ദേശീയ മാദ്ധ്യമമായ എഎന്ഐയാണ് വാര്ത്ത പുറത്തുവിട്ടത്. ആക്രമണത്തിന് പിന്നില് ഏത് സംഘടനയാണെന്ന് വ്യക്തമല്ല, തെക്കന് കാശ്മീരിലെ ഗാങ്ങൂ വില്ലേജിലുള്ള സിആര്പിഎഫ് സംഘത്തിന് നേരെ ഭീകരര് വെടിയുതിര്ക്കുക ആയിരുന്നു.
അസിസ്റ്റന്റ് സബ് ഇൻസ്പെക്ടർ അസിം അലിക്കാണ് വെടിയേറ്റത്. പരിക്കേറ്റ ഉടനെ തന്നെ അദ്ദേഹത്തെ സമീപത്തുള്ള ആശുപത്രിയിലേക്ക് മാറ്റി, നിലവില് അദ്ദേഹത്തിന്റെ ആരോഗ്യ സ്ഥിതിയില് കുഴപ്പങ്ങള് ഒന്നുമില്ലെന്ന് അറിയിച്ചു.
ആക്രമണം നടന്ന പ്രദേശം ഉടന് തന്നെ സുരക്ഷാ സേന വളഞ്ഞു. ആക്രമണത്തിന് നേതൃത്വം നല്കിയ ഭീകരരെ കണ്ടെത്താനുള്ള ശ്രമങ്ങള് ആരംഭിച്ചു.
കഴിഞ്ഞ ദിവസവും പുല്വാമയില് സമാനമായ ആക്രമണം നടന്നിരുന്നു. സിആര്പിഎഫ് കേന്ദ്രത്തിന് സമീപം നടന്ന ഗ്രനേഡ് ആക്രമണത്തില് ഒരു ജവാനും പ്രദേശവാസിക്കും പരിക്കേറ്റിരുന്നു.
Read Also: യുപി വെടിവെപ്പ്; ബിജെപി പ്രവർത്തകനെ ജുഡീഷ്യൽ കസ്റ്റഡിയിൽ വിട്ടു