കാഞ്ഞങ്ങാട്: വീട്ടുമുറ്റത്ത് നിർത്തിയിട്ടിരുന്ന ബൈക്കിന് തീയിട്ടു. ഇന്നലെ രാത്രി 11.30 നായിരുന്നു സംഭവം. സിപിഎം നേതാവും വേലാശ്വരം സഫ്‌ദർ ക്ളബ് സെക്രട്ടറിയുമായ കെ സുരേഷിന്റെ ബൈക്കിനാണ് തീയിട്ടത്. സമീപത്ത് നിന്നായി പെട്രോൾ നിറച്ച കുപ്പിയും പോലീസ് കണ്ടെത്തിയിട്ടുണ്ട്.
ഇന്നലെ രാത്രി വീട്ടുകാർ ഉറങ്ങിയ സമയത്താണ് ബൈക്കിന് തീയിട്ടത്. തീ ഉയരുന്നത് കണ്ട സമീപ വാസികളാണ് വീട്ടുകാരെ വിവരം അറിയിച്ചത്. ഉടനെ തന്നെ തീ അണക്കാനുള്ള ശ്രമം നടത്തിയതിനാൽ ബൈക്ക് പൂർണമായി കത്തി നശിച്ചിട്ടില്ല. ഹൊസ്‌ദുർഗ് പോലീസ് സ്‌ഥലത്തെത്തി പരിശോധന നടത്തി. രാഷ്‌ട്രീയ വൈരാഗ്യമാകാം സംഭവത്തിന് പിന്നിലെന്ന് സംശയിക്കുന്നതായി പോലീസ് പറഞ്ഞു. സുരേഷിന്റെ പരാതിയിൽ പോലീസ് കേസെടുത്ത് അന്വേഷണം തുടങ്ങി.
Read Also: ജലനിരപ്പ് ഉയരുന്നു; മുല്ലപ്പെരിയാർ ഡാമിൽ ആദ്യ മുന്നറിയിപ്പ് നൽകി
