തിരുവനന്തപുരം: ഓണക്കിറ്റിന് എതിരെയുള്ള പ്രചാരണം അടിസ്ഥാന രഹിതമാണെന്ന് ഭക്ഷ്യ മന്ത്രി ജിആർ അനിൽ. കിറ്റിന് രാഷ്ട്രീയമില്ല. പട്ടിണി നേരിടുന്നവരുടെ മുഖം മാത്രമാണ് സർക്കാരിന് മുൻപിൽ ഉള്ളതെന്നും മന്ത്രി കൂട്ടിച്ചേര്ത്തു. ഓണക്കിറ്റ് വിതരണവുമായി ബന്ധപ്പെട്ട് നൽകിയ കത്തിന്റെ പേരിൽ ഉയർന്ന വിവാദത്തിലും അദ്ദേഹം പ്രതികരണം അറിയിച്ചു. ഓണക്കിറ്റിന് റേഷൻ കടകളിൽ വിതരണോൽഘാടനം നടത്തണമെന്ന് താൻ പറഞ്ഞിട്ടില്ല.
സുതാര്യത ഉറപ്പ് വരുത്താൻ വേണ്ടി നാട്ടിലെ പ്രമുഖരെ പങ്കെടുപ്പിക്കണമെന്ന് ആവശ്യപ്പെട്ട് കത്തയച്ചിരുന്നു. കിറ്റ് വിതരണം നടത്തുന്ന രീതിയെക്കുറിച്ചുള്ള കത്താണ് നൽകിയത്. വിതരണത്തിൽ ശ്രദ്ധിക്കേണ്ട കാര്യങ്ങൾ മാത്രമാണ് കത്തിൽ ഉൾപ്പെടുത്തിയിരുന്നതെന്നും, ചിലരുടെ ദുഷ്ടലാക്കാണ് ഇതിൽ അനാവശ്യ വിവാദമുണ്ടാക്കുന്നതെന്നും മന്ത്രി വ്യക്തമാക്കി. ഇന്നലെയാണ് സംസ്ഥാന വ്യാപകമായി കിറ്റ് വിതരണം ആരംഭിച്ചത്.
Read Also: നിയമസഭാ കയ്യാങ്കളി കേസ്; മുഖ്യമന്ത്രിക്ക് രമേശ് ചെന്നിത്തലയുടെ കത്ത്