ന്യൂഡെല്‍ഹി: മുതിര്‍ന്ന കോണ്‍ഗ്രസ് നേതാവ് അഹമ്മദ് പട്ടേലിന്റെ മരണം പാര്‍ട്ടിക്ക് തീരാ നഷ്‌ടമാണെന്ന് സോണിയ ഗാന്ധി. തനിക്ക് നഷ്‌ടമായത് പകരം വെക്കാനില്ലാത്ത ഒരു സഖാവിനെയും സഹപ്രവര്‍ത്തകനെയും ആണെന്ന് സോണിയാ ഗാന്ധി പറഞ്ഞു. കോണ്‍ഗ്രസ് നേതൃത്വത്തിനിടയിലെ അഭിപ്രായ വ്യത്യാസങ്ങളില്‍ സോണിയക്കൊപ്പം നിലകൊണ്ട നേതാവായിരുന്നു അഹമ്മദ് പട്ടേല്‍.
‘പാര്‍ട്ടിക്ക് വേണ്ടി ജീവിതം മുഴുവനും സമര്‍പ്പിച്ച ഒരു സഹപ്രവര്‍ത്തകനെയാണ് നഷ്‌ടപ്പെട്ടത്. ചെയ്യുന്ന ജോലിയില്‍ അദ്ദേഹം പുലര്‍ത്തുന്ന വിശ്വാസ്യതയും അര്‍പ്പണ ബോധവും പ്രതിജ്‌ഞാബദ്ധതയും, എപ്പോഴും സഹായിക്കാനുള്ള മനസും, അദ്ദേഹത്തിന്റെ മഹാമനസ്‌കതയും തുടങ്ങിയവയെല്ലാം അദ്ദേഹത്തെ മറ്റുള്ളവരില്‍ നിന്നും വേറിട്ട് നിര്‍ത്തുന്ന ഘടകമാണ്,’ സോണിയാ ഗാന്ധി എഴുതി.
Congress President Smt Sonia Gandhi’s condolence message on the demise of Shri Ahmed Patel. pic.twitter.com/JiOwjr3j1n
— Congress (@INCIndia) November 25, 2020
അഹമ്മദ് പട്ടേലിന്റെ വിയോഗത്തില്‍ അനുശോചനമറിയിച്ച് പ്രധാനമന്ത്രി നരേന്ദ്ര മോദിയും രംഗത്തെത്തിയിരുന്നു. കോവിഡ് ബാധിച്ച് ഒരു മാസത്തോളം ചികിൽസയിലായിരുന്ന അഹമ്മദ് പട്ടേല്‍ ബുധനാഴ്‌ച പുലര്‍ച്ചെ മേദാന്ത ആശുപത്രിയില്‍ വച്ചാണ് അന്തരിച്ചത്. 71 വയസായിരുന്നു.
Read also: അഹമ്മദ് പട്ടേലിന്റെ മരണത്തിൽ പ്രധാനമന്ത്രി അനുശോചനം രേഖപ്പെടുത്തി
