ഗുരുഗ്രാം: മുതിര്ന്ന കോണ്ഗ്രസ് നേതാവും രാജ്യസഭ എംപിയുമായിരുന്ന അഹമ്മദ് പട്ടേല് (71) അന്തരിച്ചു. കോവിഡ് ബാധിതനായി ചികില്സയില് ആയിരിക്കേ ആരോഗ്യനില വഷളായതിനെ തുടര്ന്നാണ് മരണം. ഇന്ന് പുലര്ച്ചെ 3.30ഓടെ ഗുരുഗ്രാമിലെ സ്വകാര്യ ആശുപത്രിയില് വെച്ചായിരുന്നു മരണം. മകന് ഫൈസല് പട്ടേലാണ് മരണവിവരം പുറത്തു വിട്ടത്.
Also Read: ബ്രഹ്മോസിന്റെ കരസേന പതിപ്പ്; പരീക്ഷണം വിജയിച്ചു
യുപിഎ സര്ക്കാര് അധികാരത്തിലിരുന്ന പത്ത് വര്ഷവും പാര്ട്ടിയുടേയും സര്ക്കാരിലേയും നിര്ണായക അധികാര കേന്ദ്രമായിരുന്ന അഹമ്മദ് പട്ടേല്. ഗാന്ധി-നെഹ്റു കുടുംബത്തിന്റെ വിശ്വസ്തനായിട്ടാണ് അറിയപ്പെട്ടിരുന്നത്. യുപിഎ അധ്യക്ഷ സോണിയ ഗാന്ധിയുടെ പൊളിറ്റിക്കല് സെക്രട്ടറിയായിരുന്ന അദ്ദേഹം 2018-ല് പാര്ട്ടിയുടെ ട്രഷററായി ചുമതലയേറ്റിരുന്നു. ഗുജറാത്തില് നിന്നും എട്ട് തവണയാണ് അഹമ്മദ് പട്ടേല് പാര്ലമെന്റില് എത്തിയത്. മൂന്ന് തവണ ലോക്സഭയിലൂടേയും അഞ്ച് തവണ രാജ്യസഭയിലൂടേയും.