ന്യൂഡെൽഹി: മുതിർന്ന കോൺഗ്രസ് നേതാവും എംപിയും ആയിരുന്ന അഹമ്മദ് പട്ടേലിന്റെ മരണത്തിൽ പ്രധാനമന്ത്രി നരേന്ദ്ര മോദി അനുശോചനം അറിയിച്ചു. നീണ്ട കാലം പൊതു പ്രവർത്തനത്തിൽ സജീവമായിരുന്ന വ്യക്‌തിയാണ്‌ അദ്ദേഹം, ജനങ്ങളെ സേവിച്ചു. കോൺഗ്രസിന് അദ്ദേഹം നൽകിയ സംഭാവനകൾ എന്നും ഓർമ്മിക്കപ്പെടും. അദ്ദേഹത്തിന്റെ മകൻ ഫൈസലുമായി സംസാരിച്ചു. പ്രധാനമന്ത്രി ട്വീറ്റ് ചെയ്‌തു.
Saddened by the demise of Ahmed Patel Ji. He spent years in public life, serving society. Known for his sharp mind, his role in strengthening the Congress Party would always be remembered. Spoke to his son Faisal and expressed condolences. May Ahmed Bhai’s soul rest in peace.
— Narendra Modi (@narendramodi) November 25, 2020
മധ്യപ്രദേശിലെ മുതിർന്ന കോൺഗ്രസ് നേതാവ് ദിഗ്‌വിജയ സിംഗും അഹമ്മദ് പട്ടേലിന്റെ മരണത്തിൽ അനുശോചനം അറിയിച്ചു. രാഹുൽ ഗാന്ധി, പ്രിയങ്ക ഗാന്ധി, സുഷ്‌മിത ദേവ്, രൺദീപ് സുർജേവാല തുടങ്ങിയവരും മരണത്തിൽ അനുശോചനം അറിയിച്ചു.
ഇന്ന് പുലർച്ചെ ഗുരുഗ്രാമിലെ സ്വകാര്യ ആശുപത്രിയിൽ വെച്ചാണ് അഹമ്മദ് പട്ടേൽ അന്തരിച്ചത്. കോവിഡ് ബാധയെ തുടർന്ന് ചികിൽസയിൽ ആയിരുന്നു അദ്ദേഹം. കഴിഞ്ഞ കുറച്ച് ദിവസങ്ങളായി അദ്ദേഹത്തിന്റെ ആരോഗ്യനില വഷളായിരുന്നു. 2018 മുതൽ എഐസിസിയുടെ ട്രഷറർ സ്‌ഥാനം വഹിക്കുകയായിരുന്നു അദ്ദേഹം.
Read Also: ബംഗാളിൽ 480 സിപിഎം പ്രവർത്തകർ ബിജെപിയിലേക്ക്
