കോഴിക്കോട്: എയർപോർട്ടിൽ എത്തുന്ന പ്രവാസികൾക്ക് നടത്തുന്ന ആർടിപിസിആർ കോവിഡ് ടെസ്റ്റ് സൗജന്യമാക്കിയ സംസ്ഥാന സർക്കാർ തീരുമാനം സ്വാഗതാർഹമാണെന്ന് ഇന്ത്യൻ ഗ്രാൻഡ് മുഫ്തി കാന്തപുരം എപി അബുബക്കർ മുസ്ലിയാർ.
വിദേശത്തു നിന്ന് പരിശോധന പൂർത്തിയാക്കി, നാട്ടിലെത്തുമ്പോൾ വീണ്ടും അത് ചെയ്യേണ്ടിവരുന്നത്, പ്രവാസികളിൽ സാമ്പത്തിക ബാധ്യത ഉണ്ടാക്കുമെന്നും അതിനാൽ ഈ പരിശോധന സൗജന്യമാക്കണമെന്നും സംസ്ഥാന സർക്കാറിനോട് ആവശ്യപ്പെട്ടിരുന്നു.
കേരളത്തിന്റെ വികസന മുന്നേറ്റത്തിൽ മുഖ്യമായ പങ്കുവഹിക്കുന്ന പ്രവാസികളുടെ ആവശ്യത്തെ അനുഭാവപൂർവ്വം പരിഗണിക്കുന്ന നടപടിയാണ് സർക്കാറിൽനിന്ന് ഉണ്ടായിരിക്കുന്നത്. മുഖ്യമന്ത്രി പിണറായിവിജയനേയും ആരോഗ്യമന്ത്രി കെകെ ശൈലജ ടീച്ചറേയും പ്രത്യേകമായി അഭിനന്ദിക്കുന്നു; കാന്തപുരം പറഞ്ഞു.
Most Read: ‘ഇത് വെറുമൊരു ട്രെയിലർ’; മുകേഷ് അംബാനിക്ക് വന്ന ഭീഷണിക്കത്ത് പോലീസ് പുറത്തുവിട്ടു