ന്യൂഡെല്ഹി: രാജ്യ താത്പര്യങ്ങള്ക്ക് എതിരായി പ്രവര്ത്തിക്കുന്നു എന്നാരോപിച്ച് ട്വിറ്ററിന് എതിരായി സമര്പ്പിച്ച ഹരജി ഡെല്ഹി ഹൈക്കോടതി തള്ളി. ദേശവിരുദ്ധ സംഘടനകളായ ഖാലിസ്ഥാന് പോലെയുള്ളവക്ക് പ്രചാരണ വേദി ഒരുക്കുന്നു എന്നാരോപിച്ചാണ് പൊതുതാല്പര്യ ഹരജി സമര്പ്പിച്ചത്. യുഎപിഎ വകുപ്പുകള് ചുമത്തണം എന്നും ഹരജിയില് ആവശ്യപ്പെട്ടിരുന്നു.
ചീഫ് ജസ്റ്റിസ് ഡി.എന് പട്ടേല് അദ്ധ്യക്ഷനായ ബെഞ്ചാണ് ഹരജി പരിഗണിച്ചത്. കേന്ദ്ര സര്ക്കാരിന് മുന്പില് ഒരിക്കല് പോലും ഉയര്ത്താത്ത വിഷയമാണിത് എന്ന് കോടതി ചൂണ്ടിക്കാണിച്ചു. കൃത്യമായ രേഖകളുടെയോ തെളിവുകളുടെയോ അടിസ്ഥാനത്തില് അല്ല ഹരജി സമര്പ്പിച്ചത് എന്നും കോടതി പറയുന്നു. ഹരജി സമര്പ്പിച്ച സംഗീത ശര്മ്മയോട് കേന്ദ്ര സര്ക്കാരിനെ സമീപിക്കാനും കോടതി നിര്ദേശിച്ചു.
Read Also: ബാബരി മസ്ജിദ് കേസ്; ആസൂത്രിതമല്ല, മുഴുവൻ പ്രതികളും കുറ്റവിമുക്തർ