മലപ്പുറം: വെള്ളിയാഴ്‌ചകളിലെ എസ്‌എസ്‌എൽസി, ഹയർസെകണ്ടറി പരീക്ഷകളുടെ സമയക്രമം പുനക്രമീകരിക്കണമെന്ന് എസ്‌വൈഎസ്‌ മലപ്പുറം ഈസ്ററ് ജില്ലാ കമ്മിറ്റി സർക്കാറിനോട് ആവശ്യപ്പെട്ടു.
പരീക്ഷകൾക്കുള്ള എല്ലാ മുന്നൊരുക്കങ്ങളും വിദ്യാർഥികളുടെ തയാറെടുപ്പുകളും പൂർത്തിയായ ശേഷം പൊതു തിരഞ്ഞെടുപ്പിന്റെ പേരിൽ പരീക്ഷകൾ പെടുന്നനെ മാറ്റി വെച്ചിരിക്കുകയാണ്. പുതുക്കിയ പരീക്ഷാ സമയക്രമം അനുസരിച്ച് റമദാൻ മാസത്തിലെ വെള്ളിയാഴ്‌ചകളിൽ പരീക്ഷകൾ ഉണ്ട്.
ഇത് മുസ്‌ലിം വിദ്യാർഥികൾക്കും പരീക്ഷാ ചുമതലയുള്ള മുസ്‌ലിം അധ്യാപകർ ഉൾപ്പെടെയുള്ള ഉദ്യോഗസ്‌ഥർക്കും ഏറെ പ്രയാസങ്ങൾ സൃഷ്‌ടിക്കും. ദീർഘ കാലമായി വെള്ളിയാഴ്‌ചകളിൽ എസ്‌എസ്‌എൽസി, ഹയർസെകണ്ടറി പരീക്ഷകൾ നടത്താറില്ല. ആ പതിവ് നിലനിർത്തണമെന്നും മഞ്ചേരി യൂത്ത് സ്‌ക്വയറിൽ ചേർന്ന ജില്ലാ ക്യാബിനറ്റ് യോഗം സർക്കാരിനോട് ആവശ്യപ്പെട്ടു.
ഈ വിഷയം ഉന്നയിച്ചു മുഖ്യമന്ത്രിക്കും വിദ്യാഭ്യാസ മന്ത്രിക്കും സംഘടന നിവേദനം നൽകിയിട്ടുണ്ട്. ജില്ലാ പ്രസിഡണ്ട് സികെ അസൈനാർ സഖാഫി, ജനറൽ സെക്രട്ടറി വിപിഎം ഇസ്ഹാഖ്, അബ്‌ദുറഹീം കരുവള്ളി, സയ്യിദ് ശിഹാബുദ്ദീൻ അഹ്സനി, മുഈനുദ്ദീൻ സഖാഫി വെട്ടത്തൂർ, സികെ ശക്കീർ അരിമ്പ്ര, സിദ്ദീഖ് സഖാഫി വഴിക്കടവ്, സയ്യിദ് മുർതള ശിഹാബ് സഖാഫി, പിപി മുജീബ് റഹ്‌മാൻ വടക്കേമണ്ണ. യൂസുഫ് സഅദി പൂങ്ങോട്, പികെ മുഹമ്മദ് ശാഫി വെങ്ങാട് എന്നിവർ ജില്ലാ ക്യാബിനറ്റിൽ പങ്കെടുത്തു സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
