പത്തനംതിട്ട: ജില്ലയിലെ വിവിധ പഞ്ചായത്തുകളിൽ ഇന്ന് ഹർത്താൽ. സംരക്ഷിത വനമേഖലയുമായി ബന്ധപ്പട്ട സുപ്രീം കോടതി വിധിക്കെതിരെയാണ് ജില്ലാ കോൺഗ്രസ് കമ്മിറ്റി ഹർത്താൽ പ്രഖ്യാപിച്ചിരിക്കുന്നത്. അരുവാപ്പുലം, തണ്ണിത്തോട്, ചിറ്റാർ, വടശേരിക്കര, പെരിനാട്, സീതത്തോട്, കൊള്ളമുള്ള എന്നിവിടങ്ങളിലാണ് ഹർത്താൽ പ്രഖ്യാപിച്ചത്. രാവിലെ ആറ് മുതൽ വൈകിട്ട് ആറുവരെയാണ് ഹർത്താൽ.
ഓരോ സംരക്ഷിത വനത്തിലും ഒരു കിലോമീറ്റർ പരിസ്‌ഥിതി ലോല മേഖല നിർബന്ധമെന്നാണ് സുപ്രീം കോടതിയുടെ സുപ്രധാന വിധിക്കെതിരെ കേന്ദ്ര, സംസ്‌ഥാന സർക്കാരുകൾ റിവിഷൻ ഹരജി നൽകാത്തതിൽ പ്രതിഷേധിച്ചാണ് ഹർത്താൽ. നീലഗിരി വനനശീകരണത്തിനെതിരെ പരേതനായ ഗോദവർമൻ തിരുമുൽപ്പാട് സമർപ്പിച്ച ഹരജിയിലാണ് സുപ്രീം കോടതി ഉത്തരവ് പുറപ്പെടുവിച്ചത്.
ഓരോ സംരക്ഷിത വനത്തിലും ഒരു കിലോമീറ്റർ പരിസ്‌ഥിതി ലോല മേഖല നിർബന്ധക്കണം. പരിസ്‌ഥിതിലോല മേഖലക്കുള്ളിൽ സ്‌ഥിര നിർമാണങ്ങൾ അനുവദിക്കരുത്, പ്രവർത്തനങ്ങൾ നടക്കുന്നുണ്ടെങ്കിൽ ചീഫ് ഫോറസ്‌റ്റ് കൺസർവേറ്ററുടെ അനുമതിയോടെ മാത്രമേ തുടർന്നാണ് മതിയെന്നും വിധിയിൽ പറയുന്നുണ്ട്.
Most Read: കർണാടകയിൽ റോഡിന് ഗോഡ്‌സെയുടെ പേര്; പ്രതിഷേധം, കേസ്
