പാലായി: വീട്ടുകാർ ഉറങ്ങുന്നതിനിടെ വീടു തകർന്നു വീണു. കുടുംബാംഗങ്ങൾ പുറത്തേക്കോടിയതിനാൽ അപകടമൊഴിവായി. നീലേശ്വരം പാലായി വള്ളിക്കുന്നുമ്മൽ കെ രാമചന്ദ്രന്റെ വീടാണ് തകർന്നത്. രാമചന്ദ്രൻ, ഭാര്യ ഷീബ, മകൾ വൈഗ എന്നിവരാണ് വീട് തകരുന്ന ശബ്‌ദം കേട്ട് പുറത്തേക്കോടിയത്.
നീലേശ്വരം നഗരസഭ ചെയർപേഴ്‌സൺ ടിവി ശാന്ത, വൈസ് ചെയർമാൻ പിപി മുഹമ്മദ് റാഫി, സ്‌ഥിരം സമിതി അധ്യക്ഷരായ കെപി രവീന്ദ്രൻ, ടിപി ലത, കൗൺസിലർമാരായ വിവി സതി, വിവി ശ്രീജ, പേരോൽ വില്ലേജ് ഓഫിസർ വൽസല എന്നിവർ സ്‌ഥലത്തെത്തി. ഡിവൈഎഫ്‌ഐ പ്രവർത്തകരും നാട്ടുകാരും ചേർന്ന് തകർന്ന വീട്ടിലെ ഫർണിച്ചറും ഓടും സാധനങ്ങളും മാറ്റി. 6 ലക്ഷം രൂപയുടെ നഷ്‌ടം കണക്കാക്കുന്നു.
Most Read: കാവ്യയെ ഒഴിവാക്കി, മഞ്‌ജു സാക്ഷി; അധിക കുറ്റപത്രം സമർപ്പിച്ച് ക്രൈം ബ്രാഞ്ച്
