ന്യൂഡെൽഹി: ഇന്ത്യയും ബംഗ്ളാദേശും തമ്മിലുള്ള ഉഭയകക്ഷി എയർ ബബിൾ ക്രമീകരണത്തിന് കീഴിൽ അന്താരാഷ്ട്ര വിമാന സർവീസ് സെപ്റ്റംബർ 3 മുതൽ പുനഃരാരംഭിക്കുമെന്ന് സിവിൽ ഏവിയേഷൻ മന്ത്രാലയം അറിയിച്ചു. ബംഗ്ളാദേശ് ഉൾപ്പെടെ വിവിധ രാജ്യങ്ങളുമായി വിമാന സർവീസ് പുനഃരാരംഭിക്കാൻ ഇന്ത്യ എയർ ബബിൾ കരാറിൽ ഏർപ്പെട്ടിരുന്നു. ഇതിന്റെ ഭാഗമായാണ് സർവീസ് വീണ്ടും തുടങ്ങുന്നത്.
ബംഗ്ളാദേശിലെ സിവിൽ ഏവിയേഷൻ അതോറിറ്റിയുമായി ഇന്നലെ നടത്തിയ ആശയ വിനിമയത്തിന് ശേഷമാണ് സെപ്റ്റംബർ 3 മുതൽ സർവീസ് പുനഃരാരംഭിക്കുന്ന കാര്യം കേന്ദ്ര വ്യോമയാന മന്ത്രാലയം അറിയിച്ചത്. ആഭ്യന്തര വിമാനക്കമ്പനികളായ സ്പൈസ് ജെറ്റ്, ഇൻഡിഗോ, എയർ ഇന്ത്യ എന്നിവ ധാക്കയിലേക്ക് അടുത്ത വ്യാഴാഴ്ച മുതൽ സർവീസ് ആരംഭിക്കും എന്നാണ് അറിയിച്ചിട്ടുള്ളത്.
Read Also: കോവിഡ് പ്രതിരോധം; ഐപിഎസ് ഓഫിസർമാർക്ക് ജില്ലകളുടെ ചുമതല