ന്യൂഡെൽഹി: കോവിഡ് രോഗബാധ കൂടുതൽ പേർക്ക് സ്‌ഥിരീകരിച്ച പശ്‌ചാത്തലത്തിൽ രാജ്യ തലസ്‌ഥാനത്ത് ഏർപ്പെടുത്തിയ ലോക്ക്ഡൗൺ ഒരാഴ്‌ച കൂടി നീട്ടി. മുഖ്യമന്ത്രി അരവിന്ദ് കെജ്‌രിവാളാണ് ഇക്കാര്യം അറിയിച്ചത്. ഡെൽഹിയിലെ പ്രതിദിന കോവിഡ് കേസുകൾ 1,600 ആയി കുറഞ്ഞിട്ടുണ്ട്.
എങ്കിലും നിലവിലെ സാഹചര്യത്തിൽ ലോക്ക്ഡൗൺ തുടരാനാണ് സർക്കാർ തീരുമാനം. കേസുകൾ ഇതേ രീതിയിൽ കുറയുകയാണെങ്കിൽ മെയ് 31 മുതൽ ലോക്ക്ഡൗൺ പിൻവലിക്കുമെന്നും മുഖ്യമന്ത്രി അറിയിച്ചു.
അതേസമയം സംസ്‌ഥാനത്ത്‌ 18 മുതൽ 44 വരെയുള്ളവരുടെ വാക്‌സിനേഷൻ നിർത്തി വച്ചിരിക്കുകയാണ്. ഈ വിഭാഗത്തിലുള്ള ആളുകൾക്കായി മാറ്റിവച്ച വാക്‌സിൻ സ്‌റ്റോക്ക് അവസാനിച്ചതിനാലാണ് ഇത്തരമൊരു തീരുമാനത്തിലേക്ക് എത്തിയതെന്നാണ് മുഖ്യമന്ത്രി അറിയിച്ചത്. കൂടുതൽ വാക്‌സിൻ ഉടൻ ലഭ്യമാക്കണം എന്നാവശ്യപ്പെട്ട് കെജ്‌രിവാൾ പ്രധാനമന്ത്രി നരേന്ദ്രമോദിക്ക് കത്തയച്ചു.
Read Also: ലോക്ക്ഡൗൺ ലംഘനം ആരോപിച്ച് മർദ്ദനം; കളക്‌ടറെ സസ്‌പെൻഡ് ചെയ്‌തു
