തമിഴ് സൂപ്പർ താരം അജിത് കുമാറിന്റെ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘വലിമൈ’. എന്നാൽ ഇപ്പോഴിതാ ആരാധകരെ നിരാശപ്പെടുത്തുന്ന വാർത്തയാണ് ‘വലിമൈ’ അണിയറ പ്രവത്തകരിൽ നിന്നും എത്തുന്നത്. ചിത്രത്തിന്റെ ഫസ്‌റ്റ് ലുക്ക് മെയ് ഒന്നിന് എത്തില്ലെന്നും കോവിഡ് രണ്ടാം വ്യാപനം വർധിക്കുന്ന സാഹചര്യത്തിലാണ് പുതിയ തീരുമാനമെന്നും ചിത്രത്തിന്റെ നിർമാതാവായ ബോണി കപൂർ അറിയിച്ചു. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്.
അജിത് കുമാറിന്റെ 50ആമത് പിറന്നാൾ ദിനം പ്രമാണിച്ച് മെയ് ഒന്നിന് ‘വലിമൈ’യുടെ ഫസ്‌റ്റ് ലുക്ക് പോസ്‌റ്റർ പുറത്തിറക്കാൻ ഞങ്ങൾ തീരുമാനിച്ചിരുന്നു എങ്കിലും രാജ്യത്തെ കോവിഡ് സാഹചര്യം കണക്കിലെടുത്ത് ചിത്രത്തിന്റെ ഫസ്‌റ്റ് ലുക്ക് പോസ്‌റ്ററിന്റെ റിലീസിങ് തിയതി നീട്ടിവെക്കുകയാണെന്ന് അദ്ദേഹം ട്വീറ്റ് ചെയ്‌തു.
#Valimai #AjithKumar @ZeeStudios_ @BayViewProjOffl #Vinoth #Niravshah @SureshChandraa @thisisysr @dhilipaction @DoneChannel1 pic.twitter.com/ojvavsNVt3
— Boney Kapoor (@BoneyKapoor) April 23, 2021
എച്ച് വിനോദ് സംവിധാനം ചെയ്യുന്ന സിനിമയിൽ പോലീസ് ഉദ്യോഗസ്‌ഥനായാണ് അജിത്ത് എത്തുന്നത്. ആക്ഷൻ രംഗങ്ങള്‍ക്ക് ഏറെ പ്രാധാന്യമുള്ള ചിത്രമായിരിക്കും ‘വലിമൈ’ എന്നാണ് റിപ്പോർട്. ബോളിവുഡ് താരം ഹുമ ഖുറേഷിയാണ് ചിത്രത്തില്‍ നായികയായി എത്തുന്നത്.
ചിത്രത്തിന്റേതായി ഒരു അപ്ഡേറ്റും ഇതുവരെ പുറത്തു വന്നിട്ടില്ലെങ്കിലും അജിത് ആരാധകർ ഏറെ നാളായി കാത്തിരിക്കുന്ന ചിത്രമാണ് ‘വലിമൈ’. നേരത്തെ ‘വലിമൈ’യുടെ ചിത്രീകരണത്തിനിടെ അജിത്തിന് പരിക്കേറ്റത് വാർത്തകളിൽ ഇടം നേടിയിരുന്നു. സിനിമയുടെ സംഘട്ടന രംഗം ചിത്രീകരിക്കുന്നതിനിടെ ആണ് അജിത്തിന് പരുക്ക് പറ്റിയത്.
Read Also: മലയാളത്തിലും ഒടിടി വിപ്ളവം; മമ്മൂട്ടിയുടെ ‘വൺ’ നെറ്റ്ഫ്ളിക്‌സിൽ എത്തുന്നു
