കൊച്ചി: ആലുവക്കടുത്ത് എടയപ്പുറത്ത് ഭർതൃവീട്ടുകാർക്കെതിരെ പോലീസിൽ പരാതി നൽകിയ യുവതി ആത്മഹത്യ ചെയ്തു. എടയപ്പുറം കക്കാട്ടിൽ വീട്ടിൽ മോഫിയാ പർവീൻ (21) ആണ് തൂങ്ങി മരിച്ചത്. എൽഎൽബി വിദ്യാർഥിയായ യുവതി ഭർതൃവീട്ടുകാർക്കെതിരെ പരാതി നൽകാനായി ഇന്നലെ ആലുവ പോലീസ് സ്റ്റേഷനിൽ എത്തിയിരുന്നു.
ആത്മഹത്യാ കുറിപ്പ് കണ്ടെത്തിയിട്ടുണ്ട്. സിഐക്കും ഭർത്താവിന്റെ കുടുംബത്തിനുമെതിരെ ഗുരുതര ആരോപണങ്ങളാണ് മോഫിയയുടെ ആത്മഹത്യാ കുറിപ്പിലുള്ളത്. മോഫിയയുടെ പരാതിയിൽ ഭർത്താവിനെയും പോലീസ് ചർച്ചക്ക് വിളിച്ചിരുന്നു.
ഈ ചർച്ചക്കിടെ സിഐ തന്നെ ചീത്ത വിളിച്ചുവെന്നാണ് ആത്മഹത്യാ കുറിപ്പിൽ മോഫിയ ആരോപിക്കുന്നത്. എന്നാൽ ചർച്ചക്കിടെ യുവതി ഭർത്താവിനോട് കയർത്തപ്പോൾ വഴക്കു പറയുകയായിരുന്നു എന്നാണ് പോലീസിന്റെ വിശദീകരണം.
Most Read: സഞ്ജിത്തിന്റെ കൊലപാതകം; അറസ്റ്റിലായ പോപ്പുലർ ഫ്രണ്ട് നേതാവിനെ ഇന്ന് കോടതിയിൽ ഹാജരാക്കും