മഞ്ചേശ്വരം: നഗരത്തിൽ മൂന്ന് കടകളുടെ ഷട്ടർ തകർത്ത് മൊബൈൽ ഫോണുകളും പണവും കവർന്നു. 4 കടകളിൽ കവർച്ചാശ്രമവുമുണ്ടായി. മഞ്ചേശ്വരം മാടയിൽ വ്യാഴാഴ്‌ച്ച പുലർച്ചെയാണ് സംഭവം. പ്രതികളുടെ ദൃശ്യം സിസിടിവിയിൽ പതിഞ്ഞിട്ടുണ്ട്. മാടയിലെ ബ്രൈറ്റ് മൊബൈൽ ഷോപ്പിൽ നിന്ന് 17 മൊബൈൽ ഫോണുകൾ കവർന്നു. മഞ്ചേശ്വരത്തെ സക്കീറിന്റെ ഉടമസ്‌ഥതയിലുള്ള സംസം ബേക്കറിയിൽ സാധനങ്ങൾ വലിച്ചെറിഞ്ഞ് നശിപ്പിച്ചു.
സമീപത്തെ മുഹമ്മദിന്റെ മാക്‌സ്‌ മൊബൈൽ കടയിൽ നിന്ന് 11,000 രൂപ കവർന്നിട്ടുണ്ട്. ഇതിന് സമീപത്തെ 4 കടകളുടെ ഷട്ടറുകൾ തുറക്കാൻ ശ്രമം നടന്നിട്ടുണ്ട്. മോഷണ സംഘത്തിലെ രണ്ടുപേർ ഹെൽമറ്റും കൈയുറയും ധരിച്ച് കടകളുടെ ഷട്ടറുകൾ തകർക്കുന്ന ദൃശ്യമാണ് സിസിടിവിയിലുള്ളത്. മഞ്ചേശ്വരം പോലീസെത്തി സ്‌ഥലത്ത്‌ പരിശോധന നടത്തി. വിരലടയാള വിദഗ്‌ധരും തെളിവ് ശേഖരിച്ചു.
Read also: തിരഞ്ഞെടുപ്പ് പ്രചാരണം; രണ്ടാം ഘട്ടത്തിനായി രാഹുൽ ഗാന്ധി പാലക്കാട് എത്തി
