തിരുവനന്തപുരം : സംസ്ഥാനത്ത് കൂടുതൽ ട്രെയിൻ സർവീസുകൾ ആരംഭിക്കാൻ തീരുമാനം. കൊച്ചുവേളി–ബാനസവാടി ഹംസഫർ എക്സ്പ്രസ് 8ആം തീയതി മുതലും, അതിന്റെ മടക്ക ട്രെയിൻ 9ആം തീയതി മുതലും ആരംഭിക്കും. കൂടാതെ കൊച്ചുവേളി–പോർബന്തർ 4ആം തീയതി മുതലും, എറണാകുളം–ബാനസവാടി വീക്ക്ലി 5ആം തീയതി മുതലും, കന്യാകുമാരി– മാതാ വൈഷ്ണോദേവി കത്ര ഹിമസാഗർ 9ആം തീയതി മുതലും സർവീസ് നടത്തും.
എന്നാൽ കന്യാകുമാരി-മുംബൈ ജയന്തി സർവീസുകൾ പുനഃസ്ഥാപിക്കണമെന്ന് ശക്തമായ ആവശ്യം ഉയർന്നെങ്കിലും ഇതുവരെ നടപടി ഉണ്ടായിട്ടില്ല. കൂടാതെ ഇതിന്റെ സർവീസുകൾ പൂനെ വരെയാക്കി സർവീസ് വെട്ടിച്ചുരുക്കാനുള്ള നീക്കത്തിന് എതിരെയും പ്രതിഷേധം കനക്കുന്നുണ്ട്.
സംസ്ഥാനത്ത് കോവിഡ് നിയന്ത്രണങ്ങളിലും ലോക്ക്ഡൗണിലും ഇളവുകൾ നൽകിയതോടെയാണ് ട്രെയിൻ സർവീസുകൾ വീണ്ടും പുനഃരാരംഭിച്ചത്. ഇതിനോടകം തന്നെ നിരവധി ട്രെയിനുകൾ ഇപ്പോൾ സംസ്ഥാനത്ത് ലോക്ക്ഡൗണിന് ശേഷം സർവീസ് നടത്തുന്നുണ്ട്.
Read also : കെ സുരേന്ദ്രനെ വേട്ടയാടുന്നത് സ്ത്രീശാപം; ശോഭാസുരേന്ദ്രൻ പക്ഷം