ന്യൂഡെൽഹി : കോവിഡ് സുരക്ഷാ മാനദണ്ഡങ്ങൾ പാലിച്ചില്ലെങ്കിൽ ഇനിമുതൽ വിമാനയാത്രക്ക് വിലക്ക് വീഴും. കേന്ദ്ര വ്യോമയാന മന്ത്രാലയമാണ് കോവിഡ് മാനദണ്ഡങ്ങൾ പാലിക്കാത്ത ആളുകൾക്ക് വിമാനയാത്രക്ക് വിലക്ക് ഏർപ്പെടുത്താനുള്ള തീരുമാനം എടുത്തിരിക്കുന്നത്. മാസ്ക് ശരിയായി ധരിക്കാത്തവർ, സുരക്ഷാ മാനദണ്ഡങ്ങൾ പാലിക്കാതെ അടുത്തിടപഴകുന്നവർ എന്നിവരുടെ പട്ടിക തയാറാക്കി ഭാവി യാത്രകൾക്കു വിലക്ക് ഏർപ്പെടുത്തുന്ന രീതിയാണ് പരിഗണനയിൽ ഉള്ളത്.
ഏതാനും ചില യാത്രക്കാരുടെ മാത്രം അശ്രദ്ധ കൊണ്ട് നിരവധി ആളുകൾക്ക് രോഗം ഉണ്ടാകുന്ന സാഹചര്യം നിലവിൽ ഉണ്ടെന്നും, ഇത്തരത്തിലുള്ള ആളുകൾക്ക് യാത്രാവിലക്ക് ഏർപ്പെടുത്താനുള്ള നടപടികൾ നിലവിൽ ആരംഭിച്ചിട്ടുണ്ടെന്നും കേന്ദ്ര വ്യോമയാന മന്ത്രി ഹർദീപ് സിംഗ് പുരി വ്യക്തമാക്കി. ഒപ്പം തന്നെ കോവിഡ് രോഗവ്യാപനം തടയുന്നതിന് ആവശ്യമായ നടപടികൾ സ്വീകരിക്കാൻ വ്യോമയാന ഡയറക്ടറേറ്റ് ജനറലിന്(ഡിജിസിഎ) മന്ത്രാലയം നിർദേശം നൽകിയിട്ടുണ്ട്.
Read also : കഴക്കൂട്ടത്ത് സിപിഎം-ബിജെപി സംഘർഷം; പിന്നിൽ കടകംപള്ളിയെന്ന് ശോഭാ സുരേന്ദ്രൻ