തിരുവനന്തപുരം: കോവിഡ് വാക്‌സിന്റെ രണ്ടാം ഡോസ് സ്വീകരിക്കുന്ന 45 വയസിന് മുകളിലുള്ളവർക്ക് ഇനി മുതൽ ഓൺലൈൻ രജിസ്ട്രേഷൻ ആവശ്യമില്ല. സ്‌പോട് അലോട്മെന്റിലൂടെ രണ്ടാം ഇവർക്ക് രണ്ടാം ഡോസ് നൽകുമെന്നും ആരോഗ്യവകുപ്പ് പുറത്തിറക്കിയ പുതിയ മാർഗനിർദ്ദേശത്തിൽ പറയുന്നു.
ഓൺലൈനിൽ സ്‌ളോട്ട് ലഭിക്കാത്തതിനാൽ രണ്ടാം ഡോസ് വൈകുന്നതായി വ്യാപക പരാതി ഉയർന്നിരുന്നു. ഇതിനെ തുടർന്നാണ് ആരോഗ്യവകുപ്പിന്റെ നടപടി. രണ്ടാം ഡോസിന് നീക്കിവെച്ച ശേഷം അവശേഷിക്കുന്ന സ്‌ളോട്ടുകൾ മാത്രമേ ഇനി ഓൺലൈനിൽ ബുക്ക് ചെയ്യാനാകൂ. വാക്‌സിനേഷൻ കേന്ദ്രങ്ങളിൽ വയോധികർക്കും ഭിന്നശേഷിക്കാർക്കും പ്രത്യേക കൗണ്ടർ അനുവദിക്കും. അതേസമയം, ഓൺലൈൻ രജിസ്ട്രേഷനിലെ സാങ്കേതിക പ്രശ്‌നങ്ങളും പരാതികളും തുടരുകയാണ്.
Also Read: പോക്‌സോ കേസുകൾ ഒഴിവാക്കാൻ വിവാഹം; 5 വിധികൾ ഹൈക്കോടതി പിൻവലിച്ചു
