വയനാട്: തിരഞ്ഞെടുപ്പ് പ്രചാരണ പ്രവർത്തനങ്ങളിൽ കോവിഡ് പ്രോട്ടോക്കോൾ കർശനമായി പാലിക്കണമെന്ന് മുന്നറിയിപ്പ് നൽകി കളക്‌ടർ ഡോ. അദീല അബ്‌ദുല്ല. ചുമ, ജലജലദോഷം, തൊണ്ടവേദന, മണവും രുചിയും അറിയാത്ത അവസ്‌ഥ തുടങ്ങിയ ലക്ഷണങ്ങൾ ഉള്ളവർ തിരഞ്ഞെടുപ്പ് പ്രചാരണത്തിന് ഇറങ്ങരുത്. തിരഞ്ഞെടുപ്പ് പൊതുയോഗങ്ങളും കുടുംബ യോഗങ്ങളും അടച്ചിട്ട മുറികളിൽ നടത്താതിരിക്കാൻ ശ്രദ്ധിക്കണമെന്നും കളക്‌ടർ നിർദേശം നൽകി.
പൊതുജനങ്ങളും സ്‌ഥാനാർഥികളും പ്രവർത്തകരും അതീവ ജാഗ്രത പാലിക്കണം. പ്രചാരണ പ്രവർത്തനങ്ങളിൽ ഏർപെടുന്നവർ ശരിയായ രീതിയിൽ മാസ്‌ക് ധരിക്കണം, മാസ്‌ക് താഴ്‌ത്തി സംസാരിക്കരുത്. സാമൂഹിക അകലം പാലിക്കാനും കൈകൾ ഇടക്കിടെ ശുചീകരിക്കാനും ശ്രദ്ധിക്കണം.
ജാഥകളും പൊതുയോഗങ്ങളും കോവിഡ് പ്രോട്ടോകോൾ കർശനമായി പാലിച്ചുകൊണ്ട് മാത്രമേ നടത്താവൂ. കുടുംബ യോഗങ്ങളും പൊതുയോഗങ്ങളും തുറസായ സ്‌ഥലങ്ങളിൽ നടത്തണം. കോവിഡ് രോഗികൾ, ഗർഭിണികൾ, വയോധികർ, ഗുരുതര രോഗങ്ങളുള്ളവർ എന്നിവരുടെ വീടുകളിലും ക്വാറന്റെയ്നിൽ ആളുകൾ താമസിക്കുന്ന വീടുകളിലും പ്രചാരണം നടത്തുമ്പോൾ പ്രത്യേകം ശ്രദ്ധ പുലർത്തണം എന്നും കളക്‌ടർ പറഞ്ഞു.
Also Read: വളാഞ്ചേരിയില്‍ നിന്ന് 21കാരിയെ കാണാതായിട്ട് 20 ദിവസങ്ങൾ; എങ്ങുമെത്താതെ അന്വേഷണം
