ശ്രീനഗർ: ജമ്മു കശ്‌മീരിൽ സുരക്ഷാ സേനയും തീവ്രവാദികളും തമ്മിൽ ഏറ്റുമുട്ടൽ. ബാരാമുള്ള ജില്ലയിൽ നടന്ന ഏറ്റുമുട്ടലിൽ മൂന്ന് തീവ്രവാദികൾ കൊല്ലപ്പെട്ടതായി അധികൃതർ അറിയിച്ചു.
തീവ്രവാദികളുണ്ടെന്ന രഹസ്യ വിവരത്തിന്റെ അടിസ്‌ഥാനത്തിൽ പ്രദേശത്ത് സേന പരിശോധന നടത്തവെയാണ് ഏറ്റുമുട്ടൽ നടന്നത്.
തിങ്കളാഴ്‌ച രാത്രിയോടെയാണ് സുരക്ഷാ സേന സോപോർ മേഖലയിലെ പൈഠ്സീറിൽ തിരച്ചിൽ ആരംഭിച്ചത്. ചൊവ്വാഴ്‌ച രാവിലെയും തിരച്ചിൽ തുടരുകയായിരുന്ന സുരക്ഷാ സേനയ്‌ക്ക് നേരെ തീവ്രവാദികൾ വെടി ഉതിർക്കുകയായിരുന്നു.
അതേസമയം കൊല്ലപ്പെട്ട തീവ്രവാദികളെ തിരിച്ചറിഞ്ഞിട്ടുണ്ട്. ഈ വർഷം മാത്രം കശ്‌മീരിൽ വധിക്കപ്പെട്ട തീവ്രവാദികളുടെ എണ്ണം 100 കടന്നതായി കശ്‌മീർ മേഖലാ ഐജി വിജയ് കുമാർ അറിയിച്ചു. പ്രദേശത്ത് കനത്ത സുരക്ഷ ഒരുക്കിയിട്ടുണ്ടെന്നും അദ്ദേഹം പറഞ്ഞു.
Most Read: ഇ ബുൾജെറ്റ് സഹോദരൻമാരുടെ ജാമ്യം; കോടതി വിധി നാളെ
