തൃശൂര്: ജില്ലയില് ചൊവ്വാഴ്ച 856 പേര്ക്ക് കൂടി കോവിഡ് പോസിറ്റീവ് ആയി. 9726 പേരാണ് നിലവില് തൃശൂര് ജില്ലയില് രോഗബാധിതരായി ചികില്സയിലുള്ളത്. അതേസമയം 921 പേര് ഇന്ന് രോഗമുക്തി നേടി. അതേസമയം 5 ആരോഗ്യ പ്രവര്ത്തകര്ക്ക് ഇന്ന് കോവിഡ് സ്ഥിരീകരിച്ചിട്ടുണ്ട്.
ജില്ലയില് ഇതുവരെ കോവിഡ് ബാധിച്ചവരുടെ എണ്ണം 42,003 ആയി. നിലവില് തൃശൂര് സ്വദേശികളായ 98 പേര് മറ്റു ജില്ലകളിലായി ചികില്സയില് കഴിയുന്നുണ്ട്.
Read Also: കോവിഡ് വാക്സിൻ; 60 കോടി ഓര്ഡര് ചെയ്ത് ഇന്ത്യ
ചൊവ്വാഴ്ച സമ്പര്ക്കം വഴി 832 പേര്ക്കാണ് തൃശൂരില് കോവിഡ് സ്ഥിരീകരിച്ചത്. 5 ആരോഗ്യ പ്രവര്ത്തകര്ക്ക് പുറമെ സംസ്ഥാനത്തിന് പുറത്തുനിന്ന് എത്തിയ 12 പേര്ക്കും രോഗ ഉറവിടം അറിയാത്ത 7 പേര്ക്കും ഇന്ന് രോഗബാധ ഉണ്ടായിട്ടുണ്ട്.
അതേസമയം ജില്ലയില് ഇതുവരെയായി 31,943 പേര് രോഗമുക്തി നേടി വീടുകളിലേക്ക് മടങ്ങി.