തൃശൂർ: തൃശൂർ പൂരം നടത്തിപ്പ് സംബന്ധിച്ച് നിർണായക യോഗം ഇന്ന് ചേരും. ഇന്ന് രാവിലെ 10.30നാണ് ചീഫ് സെക്രട്ടറി തല യോഗം ചേരുക. പൂരത്തിന് ആളുകളെ നിയന്ത്രിക്കുന്ന കാര്യത്തിൽ ഇന്ന് തീരുമാനം ഉണ്ടായേക്കും.
കോവിഡ് കേസുകൾ കുത്തനെ ഉയരുന്ന സാഹചര്യത്തിൽ പൂരം നടത്തിപ്പിൽ ആശങ്ക പ്രകടിപ്പിച്ച് ആരോഗ്യ വകുപ്പ് നേരത്തെ റിപ്പോർട് നൽകിയിരുന്നു. ആളുകളെ പാസ് നൽകി നിയന്ത്രിക്കുന്നത് അധികൃതരുടെ പരിഗണിക്കുന്നുണ്ട്. സ്വരാജ് റൗണ്ടിലേക്കുള്ള റോഡുകളും അടച്ചേക്കും.
അതേസമയം, തൃശൂർ പൂരം നടത്താമെന്ന സർക്കാരിന്റെ ഉറപ്പിൽ ദേവസ്വങ്ങൾ ഒരുക്കങ്ങൾ തുടങ്ങിയിട്ടുണ്ട്. ആളുകളെ നിയന്ത്രിക്കുന്നതിനോട് ദേവസ്വങ്ങളും എതിര്പ്പ് പ്രകടിപ്പിച്ചിട്ടില്ല. പോലീസ് ഇടപ്പെട്ട് കാഴ്ചക്കാരെ നിയന്ത്രിക്കുന്നതാണ് ഇപ്പോൾ പരിഗണനയില് ഉള്ളത്.
Also Read: മഹാരാഷ്ട്രയില് ഫൈവ് സ്റ്റാര് ഹോട്ടലുകള് കോവിഡ് ആശുപത്രികളാക്കാൻ തീരുമാനം