ന്യൂഡെൽഹി: കോവിഡ് കാലത്ത് ബുക്ക് ചെയ്‌ത റെയിൽവേ റിസർവേഷൻ ടിക്കറ്റുകൾ പിൻവലിക്കാനും ടിക്കറ്റ് തുക തിരികെ ലഭിക്കാനുമുള്ള സമയപരിധി നീട്ടി. റെയിൽവേ മന്ത്രാലയമാണ് സമയപരിധി നീട്ടികൊണ്ടുള്ള ഉത്തരവ് പുറത്തിറക്കിയത്.
2020 മാർച്ച് 21 മുതൽ ജൂലൈ 31 വരെ ബുക്ക് ചെയ്‌ത പിആർഎസ് കൗണ്ടർ ടിക്കറ്റുകൾ പിൻവലിക്കാനും ടിക്കറ്റ് തുക തിരികെ ലഭിക്കാനുമുള്ള സമയപരിധിയാണ് നീട്ടിയത്. യാത്രാ തീയതി മുതൽ 9 മാസക്കാലത്തേക്ക് ഈ അനുകൂല്യം ലഭ്യമാകും. നേരത്തെ ഇത് ആറുമാസം ആയിരുന്നു. മഹാമാരി കാലത്ത് മന്ത്രാലയം റദ്ദാക്കിയ തീവണ്ടികളിലെ യാത്രക്കാർക്കാണ് പ്രയോജനം ലഭിക്കുക. റെയിൽവേ റദ്ദാക്കിയ റെഗുലർ ട്രെയിനിൽ ഈ കാലയളവിൽ ബുക്ക് ചെയ്‌തവർക്ക് മാത്രമേ ഈ ആനുകൂല്യം ലഭിക്കൂ.
റദ്ദാക്കപ്പെട്ട തീയതിക്ക് ആറുമാസത്തിന് ശേഷവും നിരവധി യാത്രക്കാർ അതാത് സോണുകൾക്ക് കീഴിലെ പരാതി സമർപ്പണ കാര്യാലയങ്ങളെ സമീപിച്ചിരുന്നു. ഇത്തരത്തിൽ സമർപ്പിക്കപ്പെട്ട പിആർഎസ് കൗണ്ടർ ടിക്കറ്റുകളുടെ മുഴുവൻ തുകയും യാത്രക്കാർക്ക് തിരികെ ലഭിക്കും.
Read also: താൽകാലിക നിയമനം; യുവമോർച്ച പ്രതിഷേധ മാർച്ച് നടത്തി
