മലപ്പുറം: കുറ്റിപ്പുറത്ത് കുഴല്പ്പണവുമായി രണ്ട് പേര് പിടിയിലായി. വേങ്ങര സ്വദേശികളായ സഹീര്, ഷമീര് എന്നിവരെയാണ് കുറ്റിപ്പുറം പോലീസ് അറസ്റ്റ് ചെയ്തത്.
ജില്ലാ പോലീസ് മേധാവി സുജിത് ദാസ് ഐപിഎസിന് ലഭിച്ച രഹസ്യവിവരത്തെ തുടര്ന്ന് നടത്തിയ വാഹന പരിശോധനയിലാണ് ഇരുവരും കുടുങ്ങിയത്. സിഐ ശശീന്ദ്രന്റെ നേതൃത്വത്തിലുള്ള സംഘമാണ് പരിശോധന നടത്തിയത്.
പ്രതികൾ തൃശൂര് ജില്ലയിലേക്ക് കാറിൽ പണം കടത്തുകയായിരുന്നു. കാറിനകത്ത് പ്രത്യേക അറക്കുള്ളിലാണ് പണം സൂക്ഷിച്ചിരുന്നത്.
ഗള്ഫില് നിന്നുള്ള സന്ദേശത്തിന്റെ അടിസ്ഥാനത്തിലാണ് ഇരുവരും കുഴല്പ്പണം വിവിധ ജില്ലകളില് എത്തിച്ചിരുന്നത്. നേരിട്ടാണ് പ്രതികൾ കുഴല്പ്പണ ഇടപാടുകള് നടത്തിയിരുന്നതെന്നും പോലീസ് പറയുന്നു.
അതേസമയം പ്രതികളെയും പിടികൂടിയ പണവും ഇന്കംടാക്സിന് കൈമാറും.
Malabar News: പുതിയാപ്പയിൽ യുവതി തീപ്പൊള്ളലേറ്റു മരിച്ച സംഭവം; ഭർത്താവ് അറസ്റ്റിൽ