കണ്ണൂർ: ജില്ലയിലെ ഉളിക്കലിൽ നിന്ന് രണ്ട് സ്‌റ്റീൽ ബോംബുകൾ കൂടി കണ്ടെത്തി. കണ്ണൂർ ഉളിക്കൽ വയത്തൂരിൽ ആളൊഴിഞ്ഞ പറമ്പിലാണ് സ്‌റ്റീൽ ബോംബുകൾ കണ്ടെത്തിയത്. ബോബ് സ്‌ക്വാഡ് സ്‌ഥലത്തെത്തി ബോംബുകൾ നിർവീര്യമാക്കി. കഴിഞ്ഞ ദിവസവും ഇതേ സ്‌ഥലത്ത്‌ നിന്ന് രണ്ട് സ്‌റ്റീൽ ബോംബുകൾ കണ്ടെത്തിയിരുന്നു.
കാട് വെട്ടിത്തെളിക്കുന്നതിനിടെയാണ് തൊഴിലാളികൾ ബോംബ് കണ്ടെത്തിയത്. തുടർന്ന് പോലീസിൽ വിവരം അറിയിക്കുകയായിരുന്നു. ഉളിക്കൽ പോലീസും കണ്ണൂരിൽ നിന്നുള്ള ബോംബ് സ്‌ക്വാഡും എത്തി ബോംബുകൾ നിർവീര്യമാക്കുകയായിരുന്നു.
ഇതിന് പിന്നാലെയാണ് ഇന്ന് രണ്ട് സ്‌റ്റീൽ ബോംബുകൾ കൂടി കണ്ടെത്തിയത്. കണ്ണൂരിൽ നിന്നുള്ള ബോംബ് സ്‌ക്വാഡ് സ്‌ഥലത്തെത്തി 20 മിനിറ്റ് വ്യത്യാസത്തിൽ രണ്ടും പൊട്ടിച്ചു നിവീര്യമാക്കി. പോലീസും ബോംബ് സ്‌ക്വാഡും സ്‌ഥലത്ത്‌ പരിശോധന തുടരുകയാണ്.
Most Read: വാഹനങ്ങളിൽ ഇനി സൺഫിലിമും കർട്ടനും വേണ്ട; ‘ഓപ്പറേഷൻ സുതാര്യം’ പദ്ധതിക്ക് തുടക്കം
