കോട്ടയം: വൈക്കത്ത് വള്ളം മറിഞ്ഞു ഒരു കുടുംബത്തിലെ ആറുപേർ അപകടത്തിൽപ്പെട്ടു. നാല് വയസുകാരനടക്കം രണ്ടു പേർ മരിച്ചു. വൈക്കം തലയാഴം ചെട്ടിക്കരി ഭാഗത്താണ് അപകടം നടന്നത്. ഉദയനാപുരം കൊടിയാട് പുത്തൻതറ ശരത് (33), സഹോദരിയുടെ മകൻ ഇവാൻ (4) എന്നിവരാണ് മരിച്ചത്.
മരിച്ച ഇവാൻ ഉദയനാപുരം പഞ്ചായത്തംഗം ദീപേഷിന്റെ മകനാണ്. ഒരു കുടുംബത്തിലെ ആറ് പേരാണ് വള്ളത്തിൽ ഉണ്ടായിരുന്നത്. മരണവീട്ടിൽ പോകവേയാണ് ഇവർ സഞ്ചരിച്ച വള്ളം മറിഞ്ഞത്. രക്ഷപ്പെട്ട നാലുപേരെ ആശുപത്രിയിൽ എത്തിച്ചു. ഇതിൽ ഒരുകുട്ടിയുടെ നില ഗുരുതരമാണെന്നാണ് വിവരം.
Most Read: ലൈഫ് പദ്ധതിയില്‍ ഉള്‍പ്പെടുത്തിയില്ല; മലപ്പുറത്ത് പഞ്ചായത്ത് ഓഫിസിന് തീയിട്ടു
