കാസർഗോഡ് : ജില്ലയിൽ രണ്ട് യൂത്ത് കോൺഗ്രസ് പ്രവർത്തകർക്ക് കുത്തേറ്റു. പരപ്പ എടത്തോടാണ് സംഭവം. രമേശ്, രാമൻ എന്നിവർക്കാണ് കുത്തേറ്റത്. ഇതേ നാട്ടുകാരനായ മാധവൻ എന്നയാളാണ് ഇരുവരെയും ആക്രമിച്ചത്. കോൺഗ്രസ് ഓഫീസ് താഴിട്ട് പൂട്ടിയതുമായി ബന്ധപ്പെട്ട തർക്കമാണ് കത്തിക്കുത്തിൽ കലാശിച്ചതെന്ന് പോലീസ് വ്യക്‌തമാക്കുന്നു.
സംഭവസമയത്ത് മാധവൻ മദ്യലഹരിയിലായിരുന്നു. ഒപ്പം തന്നെ ഇയാൾക്ക് മാനസിക രോഗമുള്ളതായി സംശയിക്കുന്നുണ്ടെന്നും പോലീസ് വ്യക്‌തമാക്കി. നിലവിൽ ഇയാളെ വെള്ളരിക്കുണ്ട് പോലീസ് കസ്‌റ്റഡിയിലെടുത്തു. കൂടാതെ കുത്തേറ്റ രണ്ട് യൂത്ത് കോൺഗ്രസ് പ്രവർത്തകരെയും പരിയാരം മെഡിക്കൽ കോളേജിൽ പ്രവേശിപ്പിച്ചു.
Read also : ബധിരയും മൂകയുമായ സ്‌ത്രീക്ക് നേരെ പീഡനം; യുവാവ് അറസ്‌റ്റിൽ
