കണ്ണൂർ: സമാധാന യോഗം ബഹിഷ്‌കരിച്ച യുഡിഎഫിന്റെ നടപടി ശരിയായില്ലെന്ന് സിപിഎം കണ്ണൂർ ജില്ലാ സെക്രട്ടറി എംവി ജയരാജൻ. മുസ്‌ലിം ലീഗ് പ്രവർത്തകൻ മൻസൂറിന്റെ കൊലപാതകം ദൗർഭാഗ്യകരമാണ്. അത് ആരും അംഗീകരിക്കുന്നില്ലെന്നും ജയരാജൻ വ്യക്‌തമാക്കി.
കണ്ണൂർ പാനൂരിൽ യൂത്ത് ലീഗ് പ്രവർത്തകന്റെ കൊലപാതകത്തെ തുടർന്നുള്ള സംഘർഷാവസ്‌ഥ പരിഹരിക്കാൻ ജില്ലാ കളക്‌ടർ വിളിച്ച യോഗമാണ് യുഡിഎഫ് ബഹിഷ്‌കരിച്ചത്. പോലീസ് നടപടി ഏകപക്ഷീയം ആണെന്നായിരുന്നു യുഡിഎഫ് നിലപാട്. കൊലപാതകികളുടെ നേതാക്കളാണ് യോഗത്തിൽ ഇരിക്കുന്നതെന്ന് സതീശൻ പാച്ചേനി പറഞ്ഞു. ഇത്തരം ആളുകളുമായി ചർച്ചക്കില്ലെന്നും ഡിസിസി പ്രസിഡണ്ട് വ്യക്‌തമാക്കി.
Also Read: തിരഞ്ഞെടുപ്പിന് ശേഷം സിപിഎമ്മിന്റെ അഴിഞ്ഞാട്ടം; മുന്നറിയിപ്പുമായി കെ സുരേന്ദ്രൻ
