ചെന്നൈ: സീറ്റുകൾ സംബന്ധിച്ചുള്ള തർക്കത്തെ തുടർന്ന് തമിഴ്നാട്ടിൽ നടൻ വിജയ് കാന്തിന്റെ ഡിഎംഡികെ പാർട്ടി എൻഡിഎ സഖ്യം വിട്ടു. ആവശ്യപ്പെട്ട സീറ്റ് ലഭിക്കാത്തത് കാരണമാണ് തീരുമാനമെന്ന് വിജയ് കാന്ത് അറിയിച്ചു. മൂന്ന് ഘട്ടമായി നടന്ന ചർച്ചയിലും സീറ്റ് ധാരണയായില്ല. മറ്റൊരു മുന്നണിയിൽ ചേരുന്ന കാര്യം വെളിപ്പെടുത്തിയിട്ടില്ല. തിരഞ്ഞെടുപ്പിന് തൊട്ടുമുൻപായി എൻഡിഎ സഖ്യം വിടുന്ന രണ്ടാമത്തെ പാർട്ടിയാണ് ഡിഎംഡികെ.
ആദ്യം 41 സീറ്റുകൾ ആവശ്യപ്പെട്ട ഡിഎംഡികെ ചർച്ചകൾക്ക് ഒടുവിൽ 23 സീറ്റുകൾ എങ്കിലും വേണമെന്ന നിലപാടിലായിരുന്നു. എന്നാൽ 15 സീറ്റുകൾ നൽകാമെന്നാണ് എഐഎഡിഎംകെ അറിയിച്ചത്. ഇതിന് പിന്നാലെയാണ് ഡിഎംഡികെ എൻഡിഎ സഖ്യം വിട്ടത്.
Read also: കൊൽക്കത്തയിലെ തീപിടിത്തം; ഉന്നതാധികാര സമിതി രൂപീകരിച്ചു