കണ്ണൂര്: കോര്പറേഷന് പരിധിയിലെ കിടപ്പുരോഗികള്ക്കും പ്രായമായവര്ക്കുമുള്ള വാക്സിനേഷന് ബുധനാഴ്ച മുതൽ ആരംഭിക്കും. കോര്പറേഷനില് നടന്ന ജാഗ്രതാസമിതി യോഗത്തിലാണ് തീരുമാനം.
കസാനകോട്ട വാര്ഡിലാണ് നാളെ വാക്സിനേഷന് ആരംഭിക്കുക. ആവശ്യമായ വാക്സിന് ആരോഗ്യവകുപ്പ് ലഭ്യമാക്കും. ജീവനക്കാരും വാഹനവും ഉള്പ്പടെയുള്ള മറ്റു സൗകര്യങ്ങള് കോര്പറേഷന് ഏര്പ്പെടുത്തും. പരമാവധി ആളുകള്ക്ക് വാക്സിന് നല്കുമെന്നും കോർപറേഷൻ അധികൃതർ അറിയിച്ചു.
മേയര് ടിഒ മോഹനന് അധ്യക്ഷത വഹിച്ച യോഗത്തില് ഡെപ്യൂട്ടി മേയര് കെ ശബീന, സ്ഥിരംസമിതി അധ്യക്ഷന്മാരായ മാര്ട്ടിന് ജോര്ജ്, സുരേഷ് ബാബു എളയാവൂര്, ഷമീമ ടീച്ചര്, സിയാദ് തങ്ങള്, ഷാഹിന മൊയ്ദീന്, കൗണ്സിലര് മുസ്ലിഹ് മഠത്തില്, ടൗണ് എസ്ഐ സി ഷൈജു, ഡെപ്യൂട്ടി തഹസില്ദാര് അഖിലേഷ്, ഡോ. ഒടി രാജേഷ്, ഡോ ദീപേഷ്, ഹെല്ത്ത് സൂപ്പര്വൈസര് സി മനോജ് തുടങ്ങിയവരും പങ്കെടുത്തു.
Malabar News: കോവിഡ് പിടിമുറുക്കുമ്പോഴും അലസത തുടർന്ന് ജനം; ജില്ലയിൽ രജിസ്റ്റർ ചെയ്തത് 1.8 ലക്ഷം കേസുകൾ