ത്രിപുര: ബിജെപി എംപി വരുൺ ഗാന്ധി തൃണമൂൽ കോൺഗ്രസിലേക്ക് ചേക്കേറുമെന്ന് സൂചന. അടുത്തയാഴ്‌ച ഡെൽഹിയിൽ എത്തുന്ന മമത ബാനർജിയുമായി വരുൺ ചർച്ച നടത്തുമെന്നാണ് റിപ്പോർട്. ബിജെപിയിൽ നിന്നടക്കം നിരവധി നേതാക്കളുമായി ചർച്ചകൾ നടന്നു വരുന്നതായി തൃണമൂൽ കേന്ദ്രങ്ങൾ അറിയിച്ചു.
പ്രതിപക്ഷ സഖ്യം കെട്ടിപ്പടുക്കുക, പാർട്ടി വളർത്തുക തുടങ്ങിയ അജണ്ടകൾ മുൻനിർത്തിയാണ് മമത ബാനർജിയുടെ ഡെൽഹി സന്ദർശനം. ബിജെപി വിടാൻ മാനസികമായി തയ്യാറെടുത്തു കഴിഞ്ഞെന്ന നിലയിലാണ് കഴിഞ്ഞ ദിവങ്ങളിൽ വന്ന വരുൺ ഗാന്ധിയുടെ പ്രതികരണങ്ങൾ. എന്നാൽ ഇക്കാര്യത്തിൽ തൃണാമൂൽ നേതൃത്വമോ വരുൺ ഗാന്ധിയോ പരസ്യമായി പ്രതികരിച്ചിട്ടില്ല.
അതേസമയം പ്രതിപക്ഷ ഐക്യം സംബന്ധിച്ച് കോൺഗ്രസ് നേതാക്കളുമായി മമത കൂടിക്കാഴ്‌ച നടത്തുമോ എന്നതിൽ വ്യക്‌തതയില്ല.
Read also: സിപിഐഎം ഏരിയ സമ്മേളനത്തിൽ സംഘർഷം; പ്രവർത്തകർക്ക് പരിക്ക്
