പഴയങ്ങാടി : കോവിഡ് വ്യാപനത്തെ തുടര്ന്ന് മാസങ്ങളായി അടച്ചിട്ടിരുന്ന വയലപ്ര പാര്ക്ക് ഇളവുകളുടെ ഭാഗമായി തുറന്നു. ജില്ലാ ഭരണകൂടത്തിന്റെ അനുമതിയോടെ ഇന്നലെ ഉച്ചക്ക് 2 മണി മുതലാണ് പാര്ക്ക് തുറന്നു പ്രവര്ത്തിക്കാന് തുടങ്ങിയത്. കോവിഡ് വ്യാപനത്തെ തുടര്ന്ന് കഴിഞ്ഞ ഏഴ് മാസങ്ങളായി പാര്ക്ക് അടച്ചിട്ടിരിക്കുകയായിരുന്നു.
എല്ലാ ദിവസവും ഉച്ചക്ക് 2 മണി മുതല് 7 മണി വരെയായിരിക്കും പാര്ക്ക് തുറന്നു പ്രവര്ത്തിക്കുക. കോവിഡ് മാനദണ്ഡങ്ങൾ പൂർണമായും പാലിച്ചുകൊണ്ട് ആയിരിക്കും പാര്ക്കില് സന്ദര്ശകര്ക്ക് പ്രവേശനം അനുവദിക്കുന്നത്. പാര്ക്കിന് മുന്നിലുള്ള നടപ്പാലം വഴി സന്ദര്ശകര്ക്ക് പ്രവേശനം ഇപ്പോള് നല്കില്ല. പകരം പുറകെ വശത്ത് കൂടിയുള്ള കവാടം വഴിയാണ് ഇപ്പോള് സന്ദര്ശകര്ക്ക് പാര്ക്കിലേക്ക് പ്രവേശനം നല്കുന്നത്. നിലവില് കുട്ടികളുടെ പാര്ക്ക്, കഫ്റ്റീരിയ, റൈഡുകള് എന്നിവയാണ് പാര്ക്കില് പ്രവര്ത്തിക്കുന്നത്.
Read also : യാത്രക്കാര് കൂടുന്നു; പഴയപടി ആകാന് ഒരുങ്ങി കരിപ്പൂര് വിമാനത്താവളം