തിരുവനന്തപുരം: രാജ്മോഹന് ഉണ്ണിത്താന് എംപിയോട് ട്രെയിനിൽ വെച്ച് അപമര്യാദയായി പെരുമാറിയ സംഭവത്തിൽ രണ്ട് കോൺഗ്രസ് അംഗങ്ങളെ പാർടിയിൽ നിന്ന് സസ്പെൻഡ് ചെയ്തു. പ്രവാസി കോൺഗ്രസ് കാസർഗോഡ് ജില്ലാ പ്രസിഡണ്ട് പത്മരാജൻ ഐങ്ങോത്ത്, അനിൽ വാഴുന്നോറടി എന്നിവരെയാണ് കെപിസിസി പ്രസിഡണ്ട് സസ്പെൻഡ് ചെയ്തത്. ആറു മാസത്തേക്കാണ് സസ്പെൻഷൻ. പുറത്താക്കാതിരിക്കാൻ കാരണം കാണിക്കണമെന്നും ആവശ്യപ്പെട്ടിട്ടുണ്ട്.
പാർലമെന്റ് സമ്മേളനത്തിൽ പങ്കെടുക്കാൻ കോഴിക്കോട് എയർപോർട്ടിലേക്ക് മാവേലി എക്സ്പ്രസിൽ യാത്ര ചെയ്യുമ്പോഴായിരുന്നു സംഭവം. ട്രെയിനിൽ വെച്ച് തന്നെ അസഭ്യം പറയുകയും മോശമായി പെരുമാറുകയും ചെയ്തെന്ന എംപിയുടെ പരാതിയെ തുടർന്നാണ് നടപടി. എംപി നല്കിയ പരാതിയുടെ അടിസ്ഥാനത്തിൽ കണ്ണൂർ ആര്പിഎഫും കേസെടുത്തിട്ടുണ്ട്.
Most Read: സംസ്ഥാനത്ത് 5.11 ലക്ഷം ഡോസ് വാക്സിന് കൂടി എത്തി