തിരുവനന്തപുരം: വിക്റ്റേഴ്സ് ചാനലിലെ എസ്എസ്എല്സിയുടെ ‘ഫസ്റ്റ്ബെല്’ ഡിജിറ്റല് ക്ളാസുകള് പൂര്ത്തിയാകുന്നു. പത്താം ക്ളാസിലെ ഫോക്കസ് ഏരിയ അടിസ്ഥാനപ്പെടുത്തിയ മുഴുവന് ക്ളാസുകളുടേയും സംപ്രേഷണം നാളെ അവസാനിക്കും.
ജൂണ് ഒന്ന് മുതല് കൈറ്റ് വിക്റ്റേഴ്സിലൂടെ ആരംഭിച്ച ക്ളാസുകളാണ് പൂര്ത്തിയായിരിക്കുന്നത്. ഫെബ്രുവരി ആദ്യം മുതല് പരീക്ഷക്ക് സഹായകമാകുന്ന വിധം ഫോക്കസ് ഏരിയകളില് ഊന്നി ഓരോ വിഷയത്തിനും ഒന്നര മണിക്കൂര് ദൈര്ഘ്യമുള്ള റിവിഷന് ക്ളാസുകള് സംപ്രേഷണം ആരംഭിക്കും.
അതേസമയം ഇതുവരെ സംപ്രേക്ഷേപണം ചെയത മുഴുവന് ക്ളാസുകളും അവയുടെ എപ്പിസോഡ് നമ്പറും അധ്യായങ്ങളും പോര്ട്ടലില് ലഭ്യമാക്കിട്ടുണ്ട്. പൊതു പരീക്ഷക്കുള്ള ഫോക്കസ് ഏരിയ വിഭാഗത്തില് ഓരോ വിഷയത്തിനും ഏതേത് ഡിജിറ്റല് ക്ളാസുകളാണ് ഉള്പ്പെട്ടിട്ടുള്ളത് എന്നത് എപ്പിസോഡുകള് തിരിച്ചും സമയ ദൈര്ഘ്യം നല്കിയും കുട്ടികള്ക്ക് വീണ്ടും എളുപ്പത്തില് കാണുന്നതിനായി പോര്ട്ടലില് പ്രത്യേകം ലഭ്യമാക്കിയിട്ടുണ്ട്.
Also Read: എടയാർ വ്യവസായ മേഖലയിലെ തീപിടുത്തം; കൂടുതൽ അന്വേഷണം വേണമെന്ന് ഫയർഫോഴ്സ്