തിരുവനന്തപുരം: ‘കിളിക്കൊഞ്ചല്’ അങ്കണവാടി തീം അധിഷ്ഠിത പിക്ചർ ബുക്ക്ലെറ്റിന്റെ പ്രകാശനം ആരോഗ്യ, വനിത ശിശുവികസന വകുപ്പ് മന്ത്രി വീണാ ജോര്ജ് നിര്വഹിച്ചു. വനിതാ ശിശുവികസന വകുപ്പ് ഡയറക്ടർ ടിവി അനുപമ ചടങ്ങിൽ പങ്കെടുത്തു.
അങ്കണവാടികളില് പഠിക്കുന്ന 3 മുതല് 6 വയസുവരെയുള്ള കുട്ടികള്ക്ക് അവരുടെ പ്രീ സ്കൂള് പഠനത്തിന്റെ ഭാഗമായി വിവിധ പഠന പ്രവര്ത്തനങ്ങള് നടത്തേണ്ടതുണ്ട്. എന്നാൽ കോവിഡ് പശ്ചാത്തലത്തില് കുട്ടികൾക്ക് അങ്കണവാടികളില് എത്തി ഈ പ്രവര്ത്തനങ്ങള് നടത്താന് കഴിയാത്ത സാഹചര്യത്തിലാണ് ബുക്ക്ലെറ്റ് വീടുകളിൽ എത്തിക്കുന്നത്.
രക്ഷിതാക്കളുടെ സഹായത്തോടെയാണ് കുട്ടികളുടെ സമഗ്ര വികസനം ലക്ഷ്യമിട്ട് ഈ ബുക്ക്ലെറ്റ് തയ്യാറാക്കിയിരിക്കുന്നത്. സംസ്ഥാനത്തെ 33,115 അങ്കണവാടികളിലൂടെ ഏകദേശം 4 ലക്ഷം കുട്ടികള്ക്ക് ബുക്ക്ലെറ്റ് വിതരണം ചെയ്യും.
Most Read: ഒമൈക്രോൺ; സ്ഥിതിഗതികൾ വിലയിരുത്താൻ സംസ്ഥാനങ്ങളുടെ ഉന്നതതല യോഗം വിളിച്ച് കേന്ദ്രം